Summary:

• उत्तर प्रदेशमध्ये अल्पवयीन मुलीचा विनयभंग

• सरपंचाच्या नवऱ्याने केलं भयंकर कृत्य

• कारमध्ये बसवून जबरदस्ती ऑफिसमध्ये नेलं

• ऑफिसमध्ये या मुलीवर जबरदस्ती करण्यात आली

सरपंचाच्या नवऱ्याने अल्पवयीन मुलीला जबरदस्ती ऑफिसमध्ये नेऊन तिच्यासोबत अश्लील कृत्य करण्याचा प्रयत्न केला. उत्तर प्रदेशच्या बिजनौर जिल्ह्यात ही घटना घडली. 'इथे रोज आली तर तुला ५००० रुपये देईन', असे म्हणत त्याने तिच्यावर अत्याचार करण्याचा प्रयत्न केला. मुलीने कशी तरी सुटका करत तिथून पळ काढला. या प्रकरणी पीडित मुलीच्या आईच्या तक्रारीवरून पोलिसांनी सरपंचाच्या नवऱ्याविरोधात गुन्हा दाखल करत तपास सुरू केला.

मिळालेल्या माहितीनुसार, १७ वर्षांची मुलगी १४ जानेवारीला सकाळी ११ वाजताच्या सुमारास गावातील बस स्टँडवर उभी होती. त्याठिकाणी गावातील सरपंचाचा नवरा कार घेऊन आला. त्याने तिला मी तुला बिजनोर शहरात जिथे जायचे आहे तिथे सोडतो असे सांगून कारमध्ये बसवलं. कारमध्ये बसल्यानंतर तो तिच्यासोबत अश्लील कृत्य करू लागला. मुलीने त्याला कार थांबवण्यास सांगितले तर त्याने कार न थांबता तिचा मोबाईल हिसकावून घेतला जेणे करून ती कुणालाच फोन करू शकणार नाही.

त्यानंतर त्याने तिला त्याच्या कार्यालयात नेलं आणि तिच्यावर जबरदस्ती करू लागला. यावेळी त्याने तिला ऑफर दिली. तुला दररोज इथे यावे लागेल. मी तुला प्रत्येक भेटीसाठी ५००० रुपये देईल. पीडितीने नकार दिल्यानंतर आरोपी तिला जबरदस्ती करू लागला. मुलीने कशी तरी सुटका करून घेत तिथून पळ काढला आणि घर गाठले. त्यानंतर पीडितेच्या आईने पोलिस ठाण्यात धाव धेत या प्रकरणी तक्रार दाखल केली. पोलिसांनी सरपंचाच्या नवऱ्याविरोधात गुन्हा दाखल केला. या घटनेमुळे उत्तर प्रदेशमध्ये खळबळ उडाली.