पणजी - उत्तर गोवाच्या goa सिओलिम गावात दोन रशियन महिलांचा दोन वेगवेगळ्या घटनांमध्ये मृत्यू झाला आहे. गेल्या २४ तासात या दोन घटना उघडकीस आल्या आहेत. यामध्ये महिला ज्या भाड्याच्या घरांमध्ये राहत होत्या तिथे मृतावस्थेतआढळून आल्या आहेत त्यामुळे परिसरात एकच खळबळ उडाली आहे.

हे देखील पहा -

प्राप्त महतीनुसार, २४ वर्षीय अॅलेक्झांड्रा जावी ही गुरुवारी राहत्या घरात पंख्याला गळफास घेतलेल्या अवस्थेत आढळून आली. तर ३४ वर्षांय एकाटेरिना टिटोवा सुद्धा आपल्या अपार्टमेंटमध्ये मृतावस्थेत आढळून आली.

दरम्यान, या घटनेबाबद गोवा पोलिसांनी दिलेल्या माहितीनुसार, टिटोवाच्या मृतदेहावर कोणत्याही प्रकारचे जखम नव्हते. दोन्ही प्रकरणात अनैसर्गिक मृत्यूची नोंद करण्यात आली आहे. या संपूर्ण घटनेचा अधिक तपास गोवा पोलिसांकडून करण्यात येत आहे.

गोव्यात रशियन पर्यटकांची संख्या मोठ्या प्रमाणात वाढली आहे. सिओलिममधील मोरजिम आणि अरमाबोल ही गावे समुद्र किनाऱ्याजवळ असून रशियन पर्यटकांमध्ये ही जागा खूप लोकप्रिय आहेत.

Edited By - Shivani Tichkule