मध्य प्रदेशातील रतलाम येथून भीषण अपघाताची बातमी समोर येत आहे. दिल्ली मुंबई एक्स्प्रेस वेवर आज सकाळी भीषण रस्ता अपघात झाला आहे. भरधाव चारचाकी एक्स्प्रेसवेवरून घसरून थेट खड्ड्यात पडली. या अपघातात कारमधील पाच जणांचा मृत्यू झाला आहे. ज्यात एक १५ वर्षांचा मुलगा आणि ६० वर्षीय वृद्ध व्यक्तीचा समावेश आहे. या घटनेची माहिती मिळताच पोलिसांनी घटनास्थळी धाव घेतली असून, पोलिसांकडून तपास सुरू आहे.

ही घटना शुक्रवारी घडली. मिळालेल्या माहितीनुसार, दिल्ली एक्स्प्रेस वेवर हा भीषण अपघात घडला. भरधाव वेगाने जाणारी कार अचानक नियंत्रणाबाहेर गेली. तसेच खड्ड्यात जाऊन पडली. या अपघातात एकूण पाच जणांचा मृत्यू झाला. ही घटना ८ वाजेच्या सुमारास भीमपूरा गावात घडली. ही कार दिल्लीहून मुंबईच्या दिशेनं जात होती.

एक्स्प्रेस वेवर भरधाव कार अचानक नियंत्रणाबाहेर गेली. तसेच कार खड्ड्यात जाऊन पडली. उंचावरून कार खड्ड्यात पडल्यामुळे कारचा चुराडा झाला. या घटनेची माहिती मिळताच पोलिसांनी घटनास्थळी धाव घेतली. तसेच मृतदेह बाहेर काढून पोस्टमार्टमसाठी रूग्णालयात पाठवले.

स्टेशन हाऊस ऑफिसर सुरेंद्र सिंह गदरिया यांनी सांगितले की, मृतांची ओळख पटली आहे. त्यांच्या कुटुंबियांना या अपघाताबाबत माहिती देण्यात आली आहे. अपघात नेमका घडला कसा? याचा तपास सुरू आहे. प्राथमिक तपासात कारचे नियंत्रण सुटल्यामुळे अपघात घडला असावा, असा अंदाज वर्तवला जात आहे.