Encouter Security force And Naxalites In Dantewada:

छत्तीसगडच्या दंतेवाडा जिल्ह्याच्या दंतेवाडा-सुकमा सीमावर्ती भागात सुरक्षा दल आणि नक्षलवाद्यांमध्ये चकमक झाली. या चकमकीत तीन नक्षलवादी ठार झालेत. बस्तर सैनिक आणि जिल्हा राखीव गट (डीआरजी) नक्षलविरोधात कारवाई करत आहे. (Latest News)

दंतेवाडा-सुकमा सीमेजवळील तुमकपाल आणि डब्बा कुन्ना गावांदरम्यान नक्षलवादी कारवाई केली जात होती. नक्षलवाद्यांची माहिती मिळाल्यानंतर सुरक्षा दलाकडून तपास करण्यात आला त्याचदरम्यान दोन्ही बाजुंनी गोळीबार झाला. या कारवाईची माहिती तुमकपाल येथील पोलीस अधीक्षक गौरव राय यांनी दिली. सुरक्षा दल तपास कार्य करत असताना नक्षलवादी आणि सुरक्षा दलात चकमक झाली. ही चकमक सुमारे संध्याकाळी साडेपाचच्या सुमारास चकमक झाली. ज्यामध्ये दरभा विभागातील तीन नक्षलवादी ठार झाले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सुरक्षा दलाने नक्षलवाद्यांचे मृतदेह ताब्यात घेतले आहेत. तसेच शस्त्रे आणि दारुगोळादेखील जप्त केल्याची माहिती पोलीस अधीक्षकांनी दिलीय. आम्हाला दंतेवाडा-सुकमा सीमे भागात असलेल्या तुमकपाल आणि डब्बा कुन्ना गावात नक्षलवादी असल्याची माहिती मिळाली. त्यानंतर शोध मोहीम राबवण्यात आली, त्यादरम्यान नक्षलवाद्यांनी गोळीबार केला त्याला सुरक्षा दलांनी प्रत्युत्तर दिलं, यात ३ नक्षलवादी ठार झाल्याची माहिती पोलीस अधीक्षक राय यांनी दिली. दरम्यान मृत नक्षलवाद्यांची ओळख अद्याप पटलेली नाही. अधिकाऱ्याने या तिघांची ओळख पटवणे बाकी आहे. लगतच्या ठिकाणी शोध घेण्याचे प्रयत्न सुरू केले आहेत.