तमिळनाडू विधानसभा निवडणुकीच्या निकालानंतर राजकारण चांगलच तापल आहे. अभिनेता विजय थलापती यांच्या तमिळगा वेत्री कळघम (TVK) पक्षाने 108 जागा जिंकून सर्वात मोठा पक्ष म्हणू झेप घेतली आहे. मात्र बहुमतासाठी आवश्यक असलेला 118 चा आकडा गाठण्यासाठी विजय यांना अजून 10 आमदारांच्या पाठिंब्याची गरज आहे. या पार्श्वभूमीवर बिहारचे खासदार पप्पू यादव यांनी भाजपवर निशाणा साधत एक उपरोधिक फॉर्म्युला मांडला आहे.

पप्पू यादव यांचा ईडी-सीबीआयला टोला

शुक्रवारी खासदार पप्पू यादव यांनी ट्विटर् वरून राज्यपालांच्या भूमिकेवर आणि भाजपवर तिखट शब्दांत टीका केली. त्यांनी आपल्या पोस्टमध्ये म्हटले आहे की, तमिळनाडूच्या राज्यपालांनी भाजपच्या एकमेव आमदाराला सरकार बनवण्यासाठी निमंत्रित करायला हवे! कारण त्यांना बहुमत सिद्ध करणे सर्वात सोपे आहे. राज्यपाल, ईडी, सीबीआय, आयकर विभाग आणि निवडणूक आयोग मेहनत घेऊन त्यांच्यासाठी बहुमताचा आकडा सहज गोळा करतील.

सत्तेचे गणित; कुणाकडे आहे चावी?

विजय थलापतींच्या TVK पक्षाचे भवितव्य आता CPI, CPM आणि VCK या पक्षांच्या निर्णयावर अवलंबून आहे. TVK ने या तिन्ही पक्षांकडे पाठिंबा मागितला असून, आज (शुक्रवार) संध्याकाळपर्यंत हे पक्ष आपली भूमिका स्पष्ट करण्याची शक्यता आहे. हे तिन्ही पक्ष दीर्घकाळापासून DMK आघाडीचा भाग आहेत. त्यामुळे जनमताचा आदर करून विजय यांना साथ द्यायची की DMK सोबतची मैत्री टिकवायची, असा पेच त्यांच्यासमोर आहे.