मुंबई : L&Tचे अध्यक्ष एस एन सुब्रमण्यन यांचा एक व्हिडिओ सोशल मीडियावर व्हायरल होत आहे. त्यांनी आठवड्याला ९० तास काम करण्याचा सल्ला दिला होता. यानंतर त्यांच्या वक्तव्याची जोरदार चर्चा सुरु झाली. यानंतर वर्क लाइफ बॅलेन्स आणि एसएन सुब्रमण्यन यांच्या वक्तव्यावर सोशल मीडियावर जोरदार चर्चा सुरु झाली आहे. तसेच रविवारी बायकोला किती वेळ बघत राहाल, असे म्हणणारे एल अँड टी कंपनीचे अध्यक्ष एसएन सुब्रमण्यन यांना वर्षाला ५१ कोटी रुपये पगार मिळतो.

एल अँड टी कंपनीचे अध्यक्ष सुब्रमण्यन यांच्या वक्तव्यावरून सोशल मीडियावर जोरदार चर्चा सुरु झाली आहे. त्यांच्या वक्तव्यारून त्यांना टीकेचा सामना करावा लागत आहे. तसेच त्यांच्या पगाराचीही जोरदार चर्चा होऊ लागली आहे. न्यू इंडियन एक्स्प्रेसच्या रिपोर्टनुसार, सुब्रमण्यन यांचा वार्षिक २०२३-२४ या वर्षातील पगार ५१ कोटी रुपये होता. त्यात ३.६ कोटी रुपये बेस सॅलरी आहे.

१.६७ कोटी प्रीरिक्वेस्टिव वर्थ, ३५.२८ कोटी रुपयांचं कमिशन आणि १०.५ कोटी रुपयांच्या निवृत्तीच्या नफ्याचा समावेश आहे. त्यांचा पगार हा एल अँड टी कंपनीच्या साधारण कर्मचाऱ्यांच्या पगाराहून ५३४.५७ टक्क्यांनी अधिक आहे. तेथे साधारण कर्मचाऱ्यांचा वार्षिक पगार हा ९.५५ लाख रुपये आहे.

कंपनीने दिलं स्पष्टीकरण

एल अँड टी कंपनीचे अध्यक्ष सुब्रमण्यन यांच्या वक्तव्यानंतर कंपनीच्या प्रवक्त्यांनी स्पष्टीकरण दिलं आहे. ९ जानेवारी रोजी कंपनी प्रवक्त्यांनी स्पष्टीकरण दिलं आहे. 'एल अँड टी कंपनीचे अध्यक्ष सुब्रमण्यन यांच्या वक्तव्याचा अर्थ वेगळा होता. खूप चांगलं आणि स्मार्ट काम करा, अशा त्यांच्या वक्तव्याचा उद्देश होता. चांगलं काम केल्यावर रिझल्ट चांगला येतो'.

दीपिका पदुकोण भडकली

सुब्रमण्यन यांचं वक्तव्य अनेकांना रुचलं नाही. अनेकांनी त्यांच्या वक्तव्यावर टीका केली. यावर अभिनेत्री दीपिका पदुकोण हिनेही प्रतिक्रिया दिली. तिने पत्रकार फैज डिसूजा यांची पोस्ट इन्स्टा स्टोरीवर शेअर करत वरिष्ठ व्यक्तींकडून अशा प्रकारचं वक्तव्य चक्रावणारं असून त्यांनी मानसिक आरोग्याचा विचार केला पाहिजे, असे तिने म्हटलं आहे.