Summary -

• उत्तर प्रदेशातील बहाइच जिल्ह्यात धक्कादायक घटना घडली

• प्रसुती वेदना सहन न झाल्याने महिलेने टोकाचे पाऊल उचलले

• महिलेने स्वत:चे पोट ब्लेडने फाडले

• बाळ सुरक्षित असून महिलेची प्रकृती गंभीर

उत्तर प्रदेशच्या बहाइच जिल्ह्यात भयंकर घटना घडली. एका गरोदर महिलेने प्रसुती वेदना सहन न झाल्यामुळे स्वत:च ब्लेडने पोट फाडले. नंदवल गावात ३२ वर्षीय महिला एकटीच राहित होती. तिच्या नवऱ्याचे काही महिन्यांपूर्वी निधन झाले होते. घरात कुणी नसताना असह्य वेदना सहन न झाल्यामुळे तिने हे भयंकर पाऊल उचलले.

महिलेने प्रसुती वेदना सहन न झाल्याने ब्लेडने पोट फाडले. त्यामुळे तिच्या आतड्या पोटातून बाहेर आला. गंभीर अवस्थेत तिला लखनऊच्या केजीएमसी रुग्णालयात दाखल करण्यात आले. त्याठिकाणी या महिलेची डिलिव्हरी करण्यात आली. बाळाची प्रकृती चांगली आहे. पण महिलेची प्रकृती गंभीर असल्यामुळे तिला पुढील उपचारासाठी दुसऱ्या रुग्णालयात हलवण्यात आले.

महिलेला आधीच पाच मुलं आहेत. प्रसुती वेदना इतक्या असह्य झाल्या की महिलेने स्वत:चे पोट फाडले. पोट फाडल्यानंतर ही महिला जोरजोरात ओरडू लागली. त्यानंतर तिच्या शेजारी राहणारी महिला मदतीसाठी धावून आली. पोट फाडल्यामुळे आतड्या बाहेर आल्या. रुग्णालयात नेल्यानंतर तिने बाळाला जन्म दिला. बाळ सुरक्षित आहे. महिलेची प्रकृती चिंताजनक असून तिला लखनऊच्या दुसऱ्या रुग्णालयात हलवण्यात आले.

गावकऱ्यांनी सांगितले की, महिलेने वेळेवर मदत न मिळाल्याने आणि बाळंतपणाची भीती वाटत असल्याने हे टोकाचे पाऊल उचलले. वेदना सहन न झाल्याने या महिलेने स्वत:च्या जीवाची परवा न करता पोट फाडले. बाळ सध्या सुरक्षित आहे तर आईवर उपचार सुरू आहेत. या घटनेची उत्तर प्रदेशमध्ये चर्चा सुरू आहे.