Bus Accident : उत्तर प्रदेशात शाळेच्या बसला भीषण अपघात झाल्याची घटना समोर आली आहे. बदायूंमधील कोतवाली बिसौली परिसरात मंगळवारी सकाळी हा अपघात झाला आहे. शाळेची बस नियंत्रण सुटल्याने रस्त्याच्या कडेला असलेल्या छोट्या दरीत बस पडली.

या अपघातात 12 हून अधिक मुले जखमी झाली मात्र कोणालाही गंभीर दुखापत झाली नाही. बदाऊन ग्रामीण भागातील एसपींनी यासंदर्भात माहिती दिली आहे.  (Latest Marathi News)

अपघाताची माहिती मिळाल्यानंतर स्थानिक नागरिकांची मोठी गर्दी झाली होती. तेथे आजूबाजूच्या शेतात काम करणाऱ्या शेतकरी व स्थानिक नागरिकांनी धाव घेत बसमध्ये अडकलेल्या मुलांना बाहेर काढले. माहिती मिळताच पोलीस आणि प्रशासकीय अधिकारी घटनास्थळी पोहोचले, त्यानंतर मदतकार्य सुरू झाले. (Bus Accident)

बस अपघातानंतर जखमी झालेल्या विद्यार्थ्यांना उपचारासाठी जवळील रुग्णालयांमध्ये दाखल करण्यात आलं आहे. बिसौलीचे उपजिल्हाधिकारी आणि पोलीस अधिकारी यांच्यासह अन्य अधिकाऱ्यांना घटनास्थळी झाले होते. बचाव आणि मदतकार्य सातत्याने सुरू आहे.

मिळालेल्या माहितीनुसार सर्व विद्यार्थ्यांना सुखरूप बाहेर काढण्यात आले आहे. स्कूल बस चालकाची यामध्ये काही चूक आहे का याची चौकशी करण्यात येत आहे. तपासात कुणी दोषी आढळल्यास त्यांच्यावर कडक कारवाई करण्यात येईल, असे अधिकाऱ्यांनी सांगितलं.