Truck Fire : सौंदर्यप्रसाधनांनी भरलेल्या ट्रकला भीषण आग; सर्व साहित्य जळून खाक

संजय गडदे

Mumbai Truck Fire - मुंबईच्या (Mumbai) पश्चिम द्रुतगती महामार्गावर भीषण अपघात घडला आहे. मध्यरात्री 1:30 च्या सुमारास अंधेरी गुंदवली बस स्टॉप जवळ भरधाव वेगाने जात असलेल्या ट्रकला भीषण आग (Truck Fire) लागली आहे. तब्बल एक तासांमध्ये अथक प्रयत्नानंतर अग्निशमन दलाच्या जवानांना आगीवर नियंत्रण मिळ्वण्यात यश आले. या आगीत ट्रकमधील सर्व साहित्य जळून खाक झाले. या आगीमुळे ट्रकचे मोठ्या प्रमाणात नुकसान झाले आहे.

या घटनेची माहिती तात्काळ अग्निशमन दलाला देण्यात आली. त्यानंतर घटनास्थळावर अग्निशमन दलाच्या 4 गाड्या दाखल झाल्या. तब्बल एक तासांमध्ये अथक प्रयत्नानंतर अग्निशमन दलाच्या जवानांना आगीवर नियंत्रण मिळ्वण्यात यश आले.

मिळालेल्या माहितीनुसार गुजरातहून मुंबईच्या दिशेने येणाऱ्या या ट्रकमध्ये मोठ्या प्रमाणावर कॉस्मेटिक सामान, चप्पल, बूट, साड्या आणि विविध प्रकारची सौंदर्य प्रसाधने भरलेली होती. ट्रक अंधेरी पूर्वेकडील गुंदवली बस स्टॉप जवळ आला असता अचानक या ट्रकने पेट घेतला. ट्रक मधील सर्व साहित्य जळून खाक झाले.

प्रसंगावधान दाखवत ट्रक चालक खाली उतरल्यामुळे त्याचा जीव वाचला. मात्र ही आग नेमकी कशी लागली यांची माहिती अद्याप समोर आलेली नाही. या संदर्भात अग्निशमन दल आणि अंधेरी पोलीस गुन्हा दाखल करून अधिक तपास करत आहे.

Edited By - Shivani Tichkule