Punjab daylight murder details in Ferozepur : पंजाबमध्ये आरएसएस नेत्याच्या मुलाची दिवसाढवळ्या हत्या केल्याची धक्कादायक घटना समोर आली आहे. शनिवारी सायंकाळी दोन हल्लेखोरांनी दुचाकीवर येत बंदुकीतून धाडधाड गोळ्या झाडल्या. मृत तरूणाचे नाव नवीन अरोरा असे आहे. पंजाबमधील फिरोजपूर शहरात बँकेच्या समोरच बाजारात अरोरावर गोळ्या झाडल्या. या घटनेनंतर परिसरात एकच खळबळ उडाली. या घटनेची माहिती मिळताच पोलिसांनी तात्काळ घटानस्थळी धाव घेतली. पोलिसांनी गुन्हा दाखल केला असून तपास करण्यात येत आहे.

पंजाबमधील फिरोजपूरचे ज्येष्ठ आरएसएस कार्यकर्ता बलदेव राज अरोरा यांचा मुलगा नवीन यांची शनिवारी हत्या करण्यात आली. फिरोजपुर शहरातील यूको बँक आणि स्टेट बँक ऑफ इंडियाच्या जवळ दोन जणांनी दुचाकीवरून अरोरा यांच्यावर गोळ्या झाडल्या. नवीन कुमार यांना उपचारासाठी तात्काळ जवळच्या रूग्णालयात दाखल करण्यात आले. उपचारावेळी त्यांचे निझन झाले. नवीन अरोर यांच्या डोक्यात गोळी लागली होती. मोठ्या प्रमाणात रक्तस्राव होत होता, डॉक्टरांनी त्यांना वाचवण्याचे प्रयत्न केले पण उपचारावेळी त्यांनी जीव सोडला.

या घटनेनंतर फिरोजपूरमध्ये एकच खळबळ उडाली आहे. पोलिसांनी तात्काळ घटनास्थळी धाव घेतली. पोलिसांनी घटनास्थळावर पंचनामा केला आहे. पोलिासांनी अज्ञात व्यक्तींवर गुन्हा दाखल केला आहे. तपास वेगात केला जात असून सीसीटीव्ही फुटेज तपासले जात आहे. परिसरात असणाऱ्या प्रत्येक व्यक्तीचे, दुकानदाराचे जबाब घेतले जात आहेत. नवीन याचे आधी कुणाबरोबर वैर होते का? याचाही तपास केला जात आहे.

शनिवारी बलदेव राज यांनी मुलगा नवीन अरोरा याला दुकानातून घराकडे पाठवले होते. तो दुकानापासून स्टेट बँक ऑफ इंडियाजवळ आला होता. त्याचवेळी दुचाकीवर दोन जण आले अन् त्यांनी धाडधाड नवीन यांच्यावर फायरिंग केले. यातील एक गोळी नवीन यांच्या डोक्यावर लागली. या घटनेनंतर पंजाबमध्ये राजकीय खळबळ उडाली. पोलिसांनी घटनास्थळावर धाव घेत तपास सुरू केला आहे. परिसरात असणाऱ्यांचे जबाब नोंदवले असून आरोपींचा शोध घेतला जातोय.