बँकेत नोकरी (Bank Job)मिळवण्यासाठी प्रयत्न करणाऱ्यांसाठी आनंदाची बातमी आहे. पंजाब नॅशनल बँकेने अपरेंटिसच्या एकूण २७०० रिक्त पदांसाठी भरती सुरू केली आहे. या भरती प्रक्रियेअंतर्गत अर्ज करण्याची प्रक्रिया ३० जून २०२४ पासून सुरू झाली आहे. इच्छुक आणि पात्र उमेदवार ज्यांना या पदासाठी अर्ज करायचा आहे त्यांनी तात्काळ अर्ज करावा. पीएनबीची अधिकृत वेबसाइट pnbindia.in वर जाऊन इच्छुक उमेदवार अर्ज करू शकतात. अर्ज करण्याची शेवटची तारीख १४ जुलै २०२४ आहे.

पात्रता -

पंजाब नॅशनल बँकेने जारी केलेल्या अधिकृत अधिसूचनेनुसार या भरतीसाठी उमेदवाराने कोणत्याही मान्यताप्राप्त विद्यापीठातून कोणत्याही स्ट्रीममध्ये पदवी प्राप्त केलेली असावी.

वयोमर्यादा -

अर्ज करण्यासाठी उमेदवाराचे वय किमान २० वर्षे आणि कमाल २८ वर्षे असावे. तसेच, सर्व आरक्षित उमेदवारांना कमाल वयोमर्यादेत विशेष सवलत दिली जाईल. ओबीसीप्रमाणेच ३ वर्षांची सूट आणि एससी-एसटीसाठी ५ वर्षांची सूट मिळेल.

अर्ज फी -

या भरती प्रक्रियेअंतर्गत सर्व श्रेणींसाठी वेगवेगळे अर्ज शुल्क निश्चित करण्यात आले आहे.

सामान्य - ९४४ रुपये

ओबीसी - ९४४ रुपये

महिला - ७०८ रुपये

एससी - ७०८ रुपये

एसटी - ७०८ रुपये

दिव्यांग - ४७२ रुपये

परीक्षा -

या भरती प्रक्रियेअंतर्गत उमेदवारांची निवड परीक्षेद्वारे होणार आहे. यासाठी सीबीटी पद्धतीने परीक्षा घेतली जाईल. २८ जुलै २०२४ रोजी परीक्षा घेतली जाईल.

असा करा अर्ज -

- अर्ज करण्यासाठी सर्वात आधी उमेदवारांनी अधिकृत वेबसाइट pnbindia.in ला भेट द्या.

- मुख्यपृष्ठावर PNB अपरेंटिस भरती २०२४ वर क्लिक करा.

- आवश्यक असलेली सर्व माहिती भरा.

- आवश्यक कागदपत्रांच्या स्कॅन केलेल्या प्रती अपलोड करा.

- अर्ज प्रक्रिया पूर्ण करण्यासाठी विहित अर्ज शुल्क ऑनलाइन भरा.

- अर्ज प्रक्रिया पूर्ण झाल्यानंतर अर्जाची प्रिंट काढा.