ONGC Recruitment: सेवानिवृत्तीनंतरदेखील तुम्ही करु शकता नोकरी; ONGC मध्ये सुरु आहे भरती; वाचा सविस्तर

भारतात कर्मचाऱ्यांच्या सेवानिवृत्तीचे वय ५८ वर्ष आहे. सेवानिवृत्तीनंतर अनेकांना घरी बसायला कंटाळा येतो. त्यांनी नेहमी कामाची सवय असते. तसेच अनेकांना आर्थिकदृष्ट्यादेखील गरज असते. याच लोकांसाठी नोकरीची सुवर्णसंधी आहे. ऑइल अँड नॅचरल गॅस लिमिटेड (ONGC) मध्ये भरती सुरु आहे.

या भरतीसाठी ६४ वर्षांचे उमेदवारदेखील अर्ज करु शकतात. ७० हून अधिक जागांसाठी ही भरती करण्यात येणार आहे. याबाबत अधिसूचना जाहीर करण्यात आली आहे. ही भरती १ वर्षाच्या कंत्राटी पद्धतीने केली जाणार आहे.

ही भरती ज्युनिअर कन्सलटंट आणि असोसिएट कन्सलटंट या पदासाठी केली जाणार आहे. या भरतीसाठी ६४ वर्ष वयोमर्यादा निश्चित करण्यात आली आहे. या पदांसाठी उमेदवारांची निवड लेखी परीक्षा आणि मुलाखतीच्या आधारे केली जाणार आहे. या नोकरीसाठी अर्ज करण्याची शेवटची तारीक २३ जुलै आहे. अर्ज करण्यासाठी उमेदवारांना ongcindia.com या वेबसाइटला भेट द्यावी लागणार आहे.

या नोकरीसाठी उमेदवारांनी आयटीआय, डिप्लोमा किंवा पदवी प्राप्त असणे गरजेचे आहे. तसेच याच क्षेत्रातील कामाचा अनुभव असणे गरजेचे आहे. या उमेदवारांची सर्वप्रथम लेखी परीक्षा घेतली जाईल. त्यानंतर मुलाखत घेतली जाईल. ज्युनिअर कन्सलटंट पदासाठी ४० हजार रुपये पगार मिळणार आहे तर असोसिएट कन्सलटंट पदासाठी ६६ हजार रुपये पगार मिळणार आहे.