लोकसभा निवडणुकीच्या निकालानंतर एनडीएचे सरकार स्थापन करण्याचे प्रयत्न सुरू झाले आहेत. नरेंद्र मोदी यांच्या नेतृत्वाखाली एनडीचं सरकार आता स्थापन होत आहे. नरेंद्र मोदी तिसऱ्यांदा पंतप्रधान पदाची शपथ घेत आहे. ९ जूनला म्हणजेच रविवारी राष्ट्रपती भवनामध्ये संध्याकाळी ६ ते ९ या वेळेत पीएम मोदींचा शपथविधी सोहळा पार पडणार असल्याची माहिती नितीश कुमार यांनी दिली आहे.

नरेंद्र मोदी सलग तिसऱ्या वेळेस पंतप्रधान पदाची शपथ घेत आहेत. रविवारी ९ जून रोजी सायंकाळी सहा वाजता मोदींचा शपथविधी सोहळा दिल्लीत पार पडणार आहे. आज संसद भवनाच्या सेंट्रल हॉलमध्ये एनडीएच्या संसदीय दलाची बैठक झाली. यावेळी राजनाथ सिंह यांनी मोदींच्या नावाचा प्रस्ताव मांडला. त्याला अमित शाह, एचडी कुमारस्वामी, नितीन गडकरी, चंद्राबाबू नायडू यांनी अनुमोदन दिलं आहे.

या निवडणुकीत एनडीएने २९३ जागा जिंकल्या आहेत. तर आता ५४३ सदस्यांसह एनडीएकडे लोकसभेत चांगले बहुमत आहे. यावेळी नितीश कुमार यांनी पंतप्रधान मोदींना समर्थन असल्याच्या भावना व्यक्त केल्या आहेत. हा प्रस्ताव १४० कोटी जनतेच्या मनातील आहे, अशा भावना अमित शाहंनी व्यक्त केल्या आहेत. संसदीय पक्षाच्या नेतेपदी मोदींची निवड झाली आहे. पंडित जवाहरलाल नेहरू यांच्यानंतर तिसऱ्यांदा पंतप्रधान होण्याची संधी नरेंद्र मोदींना मिळाली आहे.

यापूर्वी २०१४ आणि २०१९ मध्ये मोदींनी पंतप्रधानपदाची शपथ घेतली होती. यावर्षी भाजपला स्वबळावर बहुमत मिळालं नाही. त्यामुळे भाजप मित्र पक्षांसोबत मिळून सरकार स्थापन करत आहे. तर पंतप्रधान २०१४ मध्ये भाजपला २७७ जागा मिळाल्या होत्या. तर २०१९ च्या निवडणुकीत भाजपला ३०२ जागा मिळाल्या होत्या. महाराष्ट्राचे मुख्यमंत्री एकनाथ शिंदे यांनी एनडीएच्यासंसदीय पक्षाच्या बैठकी संसदीय पक्ष नेते म्हणून नरेंद्र मोदींच्या नावाच्या प्रस्तावाला पाठिंबा दिला आहे. त्यास उपमुख्यमंत्री अजित पवारांनी अनुमोदन दिलं आहे.