Smart Card For parliament Entry:

देशातील संसदेत काही दिवसांपूर्वी स्मोक अॅटॅक झाला होता. त्यामुळे संसदेतील सुरक्षेबाबत मोठे प्रश्न निर्माण झाले होते. त्यानंतर आता सरकारने नवीन संसदेत कडेकोट सुरक्षेबाबत मोठा निर्णय घेतला आहे. संसदेत जाणाऱ्या प्रत्येक व्यक्तीला आता स्मार्ट कार्डचा वापर करावा लागणार आहे.

संसदेत सध्या अर्थसंकल्पाचे कामकाज सुरू आहे. अर्थसंकल्पीय अधिवेशनात संसदेचे कामकाज पाहण्यासाठी स्मार्ट कार्डद्वारेच प्रवेश मिळणार आहे. यासाठी लोकांना बायोमॅट्रिक आणि फोटो द्यावा लागणार आहे. (Latest News)

संसदेत येणाऱ्या प्रत्येक व्यक्तीला स्मार्ट कार्ड दिले जाणार आहे. यासाठी सर्वप्रथम नोंदणी केली जाणार आहे. त्यानंतर एक फॉर्म भरला जाणार आहे. त्यात आधार नंबर, पत्ता, मोबाईल नंबर भरावा लागेल. त्यानंतर हा फॉर्म मंजुरीसाठी दिला जाणार आहे. त्यानंतर त्या व्यक्तीचे बायोमॅट्रिक्स केले जाणार आहे आणि त्यांना स्मार्ट कार्ड दिले जाणार आहे. ज्या व्यक्तींकडे स्मार्ट कार्ड असेल त्यांनाच संसदेत प्रवेश मिळणार आहे.

संसदेच्या परिसरात प्रवेश करण्यासाठी व्यक्तीला स्मार्ट कार्ड टॅप करावे लागेल. त्यानंतर त्या व्यक्तीचे बायोमॅट्रिक चेक केले जाईल. त्यानंतरच संसदेचा दरवाजा उघडेल. परंतु जर एखाद्या व्यक्तीने संसदेतून बाहेर पडताना पास जमा केला नाही तर त्याचे नाव आपोआप ब्लॅक लिस्टमध्ये येईल. त्यामुळे त्या व्यक्तीला पुन्हा कधीच संसदेत प्रवेश मिळणार नाही.

१३ डिसेंबरला संसदेत स्मोक अॅटॅक झाला होता. संसदेत कामकाज सुरु असताना काही व्यक्तीने संसदेत धुर सोडला होता. त्यामुळे संसदेच्या कामकाजात अडथळा निर्माण झाला होता. त्यामुळेच सुरक्षिततेच्या दृष्टिकोनातून हा मोठा निर्णय घेण्यात आला आहे. स्मार्ट कार्डशिवाय कोणत्याही व्यक्तीला संसदेत प्रवेश मिळणार नाही.