कंगाल पाकिस्तान संयुक्त अरब अमिराती म्हणजेच युएईचं कर्ज फेडण्यासाठी पुन्हा एकदा जगासमोर भिकेचा कटोरा फिरवलाय. तब्बल 3.5 अब्ज डॉलर्सचं कर्ज फेडण्यासाठी कंगाल पाकिस्तानचे नाकीनाऊ आलेत. युएईचं कर्ज फेडण्यासाठी आता पाकिस्ताननं सौदी अरेबिया आणि कतार या देशांसमोर हात पसरलेत. यासाठी पाकिस्तानी सरकारनं कशा हालचाली सुरू केल्यात पाहूयात...

कंगाल पाकिस्तानला एप्रिल महिन्याच्या अखेरपर्यंत युएईला कर्ज परतफेड करायचीय. या पार्श्वभूमिवर सौदीचे अर्थमंत्री मोहम्मद बिन अब्दुल्ला अल-जदान यांच्या उपस्थितीत इस्लामाबादमध्ये एक बैठक झाली. या बैठकीला पाकिस्तानचे पंतप्रधान शाहबाज शरीफ, परराष्ट्र मंत्री इशाक दार आणि लष्करप्रमुख जनरल असीम मुनीर उपस्थित होते. कतार आणि सौदी अरेबिया कर्जाची रक्कम 'स्टेट बँक ऑफ पाकिस्तान'मध्ये जमा करणार आहेत.

पाकिस्तानी सरकार हे 5 अब्ज डॉलर्स खर्च करू शकत नाही. मात्र, हेच कर्ज कंगाल पाकिस्तानला कसं तारणार आहे पाहूयात...आयात खर्च वाढत असल्याने पाकिस्तानच्या परकीय चलन साठ्यावर सतत दबाव आहे. अधिकाऱ्यांच्या मते, जर नवीन आर्थिक मदत मिळाली नाही, तर येत्या काही आठवड्यांत हा साठा आणखी कमी होऊ शकतो. सूत्रांनुसार, सौदी अरेबिया आणि कतारकडून मिळणारं 5 अब्ज डॉलर्सचं कर्ज पाकिस्तानसाठी अत्यंत महत्त्वाची ठरेल. सध्या पाकिस्तानचा परकीय चलन साठा सुमारे 16.4 अब्ज डॉलर्स आहे. त्यामुळे हे कर्ज पाकिस्तानला आपले कर्ज फेडण्यासाठी आणि आर्थिक परिस्थिती नियंत्रणात आणण्यासाठी फायदेशीर ठरू शकतं.

एव्हंढच नाही तर परकीय गंगाजळीवरील वाढता भार कमी करण्यासाठी पाकिस्तान अमेरिकेलाही साकडं घालणार आहे. काल युएई आणि आज सौदी-कतार... शेवटी काय 'उधारीवरचं जगणं' फार काळ टिकत नसतं. दहशतवाद्यांना पोसणाऱ्या पाकिस्तानवर 'भिकेचा कटोरा' फिरवण्याची वेळ आलीये... एव्हंढ मात्र निश्चित...