पुण्यातील पोर्श कारचे अपघाताची घटना ताजी असतानाच देशात अपघाताच्या अनेक घटना घडल्या आहेत. नोएडातदेखील हिट अँड रनची अशीच एक घटना घडली आहेत. नोएडात एका कारच्या धडकेत वृद्ध व्यक्तीचा मृत्यू झाला आहे.

नोएडात एका ऑडी कारने वृद्ध व्यक्तीला धडक दिली आहे. वृद्ध व्यक्ती रस्ता क्रॉस करत होते. त्याचवेळी दुसऱ्या बाजूने एक भरधाव वेगाने गाडी आली आणि आजोबांना धडक दिली. या अपघातात आजोबांचा दुर्दैवी मृत्यू झाला आहे.

पोलिसांनी दिलेल्या माहितीनुसार, नोएडाच्या सेक्टर २४ भागातील कांचनगंगा अपार्टमेंटजवळ हा अपघात झाला आहे. सकाळी साडेसहा वाजता एक वृद्ध व्यक्ती रस्ता ओलांडत असताना एका कारने त्यांना उडवले आहे. जनक देव शाह असे वृद्ध व्यक्तीचे नाव आहे. ही घटना सीसीटीव्ही कॅमेरात कैद झाली आहे.

सीसीटीव्ही कॅमेरात एक आजोबा रस्ता क्रॉस करताना दिसत आहे. रस्ता क्रॉस करत असताना एका बाजून भरधाव वेगात असणारी ऑडी कार येते. ही कार त्या व्यक्तीला जोरदार धडक देते आणि निघून जाते. ही धडक एवढी जोरात बसली की, जनक शाह काही फूट उंच उडून मग खाली पडले.

या घटनेची माहिती मिळताच पोलिसांनी घटनास्थळी धाव घेतली. मृतदेह शवविच्छेदनासाठी पाठवण्यात आला आहे. याप्रकरणी आरोपी कारचालकाच्याविरोधात आयपीसी कायद्याअंतर्गत गुन्हा दाखल करण्यात आला आहे.