मुंबई : भारतरत्न आणि भारताच्या सूर सम्राज्ञी म्हणून प्रसिद्ध असलेल्या लता मंगेशकर यांचं आज मुंबईमध्ये निधन झालं आहे. वयाच्या ९२ वर्षी त्यांनी अखेरचा श्वास घेतला. ब्रीच कँडी रुग्णालयात त्यांच्यावर उपचार सुरू असतानाच त्यांची प्राणज्योत मालवली. लता मंगेशकर यांच्या निधनामुळे संपूर्ण जगावर शोककळा पसरली आहे. आज रविवारी सकाळी 9.30 वाजण्याच्या सुमारास त्यांनी अखेरचा श्वास घेतला. (Nitin Gadkari pays homage to Lata Didi)

हे देखील पहा-

भारताची गाणकोकीळा लता मंगेशकर यांचं निधन झाले आहे. त्यांची प्रकृती काही दिवसांपासून अतिशय खालावलेली होती. आज त्यांनी ब्रीच कँडी रुग्णालयामध्ये अखेरचा श्वास घेतला आहे. केंद्रीय मंत्री नितीन गडकरी, संजय राऊतांपासून सर्वच राजकीय नेत्यांनी लता दीदींना श्रद्धांजली वाहिली आहे.

देशाची शान आणि संगीत जगतातील शिरमोर स्वर कोकिळा भारतरत्न लता मंगेशकर जी यांचे निधन अत्यंत दु:खद आहे. त्या पवित्र आत्म्यास माझी भावपूर्ण श्रद्धांजली. त्यांचे जाणे हे देशाचे कधी देखील भरून न येणारे नुकसान आहे. सर्व संगीत साधकांसाठी त्या नेहमीच प्रेरणादायी होते.

जगभरात कोट्यवधी संगीतप्रेमींच्या कानांना तृप्त करणारे अलौकिक स्वर आज हरपले आहेत. लतादीदींच्या आवाजाच्या परीसस्पर्शाने अजरामर झालेल्या गीतांच्या माध्यमातून हा स्वर आता अनंतकाळ आपल्या मनांमध्ये गुंजन करत राहणार आहेत. गानसम्राज्ञी लता मंगेशकर यांना भावपूर्ण श्रद्धांजली, असे ट्विट शरद पवारांनी केले आहे.

Edited By- Digambar Jadhav