Mumbai-Delhi Flights Affected :

रविवारी पडलेल्या धुक्यामुळे दिल्लीतील हवाई वाहतुकीवर मोठा परिणाम झाला. IGI विमानतळावरून होणारे विमानांच्या वाहतुकीवर मोठा परिणाम झाला. या विमानतळावीरल सुमारे ६० उड्डाणे रद्द करण्यात आली तर ११ उड्डाणे वळवण्यात आली आहेत. दरम्यान विमानांचे येणारे आणि जाणाऱ्या विमानांना उशीर होत असल्याने विमानतळाचे तिन्ही टर्मिनल प्रवाशांनी खचाखच भरले होते. विमानांना उशीर होत असल्याने वाट पाहून कंटाळलेल्या काही प्रवाशांनी विमानतळावर गोंधळ घातला होता. परंतु एअरलाइन्सने हवामानाचे कारण सांगून आपली जबाबदारी झटकली. यावेळी प्रवाशांनी इंटरनेट मीडियावर आपल्या व्यथा आणि संताप व्यक्त केला. (Latest News)

देशांतर्गत उड्डाणांवर सर्वाधिक परिणाम

देशांतर्गत उड्डाणांवर सर्वाधिक परिणाम झाले आहे. एकूण ४०० उड्डाणे उशिराने झालीत. यापैकी निम्मे निर्गमन (जाणारी) होते आणि निम्मे (येणारी) आगमन होते. प्रस्थान करताना, कोचीन फ्लाइटला ११ तास, बेंगळुरू फ्लाइटला ९, गोवा फ्लाइट ८, मुंबई फ्लाइट ७, कोलकाता फ्लाइट ६, पोर्ट ब्लेअर फ्लाइट ५, कुल्लू फ्लाइट ४ तास उशीर झाला. मुंबई आणि अहमदाबादहून दिल्लीत येणाऱ्या विमानांना ७ तास , अमृतसरहून येणाऱ्या विमानांना ५, बेंगळुरूहून ४ आणि पुण्याहून आलेल्या विमानांना ३ तास उशीर झाला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

वातावरणात पसरलेल्या दाट धुक्यामुळे वेळापत्रकात सुधारणा न झाल्याने अनेक विमान कंपन्यांनी उड्डाणे रद्द केली. त्यामुळे प्रवाशांचे प्रचंड हाल झाले. ज्या ठिकाणी उड्डाणे रद्द करण्यात आली त्यात कुल्लू, श्रीनगर, दरभंगा, देवघर, हैदराबाद, अहमदाबाद, रायपूर, मुंबई, गोरखपूर, बंगळुरू, कानपूर, पुणे, उदयपूर, प्रयागराज, वाराणसी, पाटणा, गोरखपूर, अमृतसर, गया, रांची, अहमदाबाद यांचा समावेश आहे. चेन्नई, विशाखापट्टणम, मुंबई, भोपाळ, बागडोगरा, कोलकाता, जम्मू, भुवनेश्वर, गोवा आणि इतर ठिकाणी. एकूण सुमारे ६० उड्डाणे रद्द करण्यात आली.