Jaipur Agra highway latest accident news : राजस्थानातील जयपूर-आग्रा महामार्गावर मध्यरात्री भीषण अपघातात सहा जणांचा मृत्यू झाला. सिकंदरामधील (Sikandra police accident report) कैलाई गावाजवळ कार आधी डिव्हायडरला जोरात धडकली, त्यानंतर दुसऱ्या लेनवर जाणाऱ्या ट्रेलरला जोरात धडक दिली. (Rajasthan road accident today)

कारच्या या भयानक अपघातात ४ जणांचा जागीच मृत्यू झाला. तर दोन जणांचा रूग्णालयात घेऊन जाताना मृत्यू झाला. या अपघातानंतर महामार्गावर वाहतूककोंडी (Traffic jam after highway accident) झाली होती. वाहनांच्या लांबच लांब रांगा लागल्या होत्या. (Jaipur Agra highway midnight accident six dead details)

अपघाताची माहिती मिळताच सिकंदरा पोलिसांनी तात्काळ घटनास्थळी धाव घेतली. पोलिसांनी अपघातग्रस्त वाहनांना बाजूला करून वाहतूक सुरळीत केली. त्यांनी अपघातामधील जखमींना तात्काळ रूग्णालयात हलवले, पण दोन जणांचा उपचाराआधीच मृत्यू झाला. या अपघातामध्ये कारमधील ६ जणांचा मृत्यू झाल्याची नोंद पोलिसांनी केली आहे.

येथील सिकंदरा पोलिसांनी अपघाताची नोंद केली असून ६ जणांचे मृतदेह पोस्टमार्टमसाठी पाठवले. हा अपघात इतका भयंकर होता की कारची धडक झाल्याचा आवाज गावात गेला होता. गावकाऱ्यांनी तात्काळ धाव घेत मदतकार्य सुरू केले. काही जणांनी या अपघाताची माहिती पोलिसांना दिली.

राजस्थानमधील कलाखो गावातील ६ तरूण कारमधून प्रवास करत होते. ते लग्नानंतर घराकडे परत येत होते. पण त्याचवेळी काळाने घाला घातला. त्यांची कार अतिशय वेगात होती. त्याचवेळी चालकाचे कारवरील नियंत्रण सुटले. अन् कार डिव्हायडरला जोरात धडकली. कारचा वेग इतका होता की डिव्हायडरला धडकल्यानंतर कार महामार्गावरील दुसऱ्या लेनवर गेली अन् ट्रेलरला जोरात धडकली.

या धडकेमुळे कारचा पूर्ण चुराडा झाला. यामध्ये चौघांचा घटनास्थळावरच मृत्यू झाला, तर उपचारासाठी नेत असताना २ जणांनी प्राण सोडले. गोवर्धन योगी, बनवारी लाल योगी, हरिमोहन योगी, लालराम बैरवा आणि रामसिंह योगी यांचा अपघातात मृत्यू झाला. सर्व मृतदहे वेगवेगळ्या रूग्णालयात पोस्टमार्टमसाठी पाठवण्यात आले आहेत.