मुंबई: आपण आतापर्यंत समोसा, भेळ यामध्ये झुरळ, पाल आढळल्याच्या घटना ऐकल्या आहेत. पण आता बियरच्या बॉटलमध्ये पाल निघाल्याची घटना घडली आहे. ही धक्कादायक घटना मध्यप्रदेशमधील बैतूल जिल्ह्यातील आहे. तिथे एका व्यक्तीच्या बियरच्या बाटलीत मृत पाल आढळून आलीय. ही बिअर विकत घेतलेल्या व्यक्तीने आरोप केलाय की, जेव्हा तो दुकानदाराकडे तक्रार करायला गेला, तेव्हा त्याच्याशी गैरवर्तन केलं गेलं. दुकानदाराने शिवीगाळ करत त्याला दुकानाबाहेर हाकललं.

नक्की काय घडलं?

मध्यप्रदेशमध्ये सचिन नावच्या एका व्यक्तीने दुकानातून बियरची बाटली विकत घेतली. परंतु घरी गेल्यानंतर त्याने बाटली उघडली आणि त्याच्या पायाखालची जमिनच हादरली. त्याला बाटलीमध्ये एक मृत पाल (Madhya Pradesh News) आढळली. त्यानंतर या व्यक्तीने तात्काळ दुकानात धाव घेतली, दुकानदाराकडे तक्रार केली. परंतु दुकानदाराने सचिनला थेट हाकलून लावलं. त्याने या सगळ्या प्रकाराचा व्हिडिओ बनवला होता, तो सोशल मीडियावर आता व्हायरल होत आहे.

बियरच्या बाटलीत पाल आढळली

मिळालेल्या माहितीनुसार, बैतूल जिल्ह्यातील सचिन नावाच्या व्यक्तीने दुकानातून बिअरची बाटली विकत घेतली होती. घरी आल्यानंतर त्याने बाटलीतून बियर ग्लासात ओतली. तेवढ्यात एक विचित्र वस्तू देखील बाटलीमधून बाहेर आली आणि ग्लासात (Dead Lizard found In beer bottle) पडली. सचिनला ती मृत पाल असल्याची खात्री पटली. घडलेल्या प्रकारानंतर सचिन संतापला होता. त्याने बियर शॉपीमध्ये जावून गोंधळ घातला.

मध्यप्रदेशमधील धक्कादायक प्रकार

मात्र हा व्हिडिओ सोशल मीडियावर व्हायरल झाला आहे. बिअरची बाटली सीलबंद असल्याचं सचिनने सांगितलं (Lizard found In beer) आहे. बाटली पूर्णपणे बंद होती तर पाल आतमध्ये कशी पोहोचला, हा प्रश्न आता निर्माण होतोय. जेव्हा सचिन या घटनेबद्दल तक्रार करायला गेला, तेव्हा दुकानदाराने त्याला शिवीगाळ करून हाकलून (Viral Video) दिलं. यावर उत्पादन शुल्क अधिकाऱ्यांनी प्रतिक्रिया दिली आहे. त्यांनी सांगितलं की, आम्ही व्हिडिओ पाहिला आहे. बाटलीच्या आत पाल कशी गेली, याचा तपास करत आहोत. संबंधित लोकांवर नक्कीच कारवाई केली जाईल, असं आश्वासन देखील त्यांनी दिल्याची माहिती टीव्ही नाईन हिंदीच्या हवाल्यानुसार मिळतेय.