जेईई मेन २०२४ च्या सत्र- २ चा निकाल जाहीर झाला आहे. नॅशनल टेस्टिंग एजन्सीने (NTA) हा निकाल जाहीर केला आहे. जेईई मेन २०२४ या परिक्षेला बसलेल्या विद्यार्थ्यांनी घवघवीत यश मिळवले आहे. यावर्षी ५६ विद्यार्थ्यांनी जेईई मेन परिक्षेमध्ये १०० टक्के गुण मिळवले आहे. तुम्ही jeemain.nta.ac.in या वेबसाइटवर जाऊन निकाल पाहू शकतात.

जेईई मेन २०२४ च्या परिक्षेत विद्यार्थ्यांनी यश मिळवले आहे. गेल्या वर्षीच्या तुलनेत या वर्षीचा निकाल खूप चांगला लागला असल्याचे सांगण्यात येत आहे. ५६ विद्यार्थ्यांनी परिक्षेत १०० गुण मिळवले आहे. तर मागील वर्षी फक्त १३ विद्यार्थ्यांनी १०० टक्के गुण मिळवले होते. यामध्ये दोन मुलींनी १०० गुण मिळवले आहे. कर्नाटकमधील सानवी जैन आणि दिल्लीतील शायना सिन्हा यांनी जेईई मेन परिक्षेत १०० गूण मिळवले आहेत.

जेईई मेन २०२४ सत्र २ ची परिक्षा ४ ते १२ एप्रिल २०२४ रोजी देशभरात झाली होती. याच परीक्षेचा निकाल आता जाहीर करण्यात आला आहे. या वर्षी सामान्य श्रेणीतील विद्यार्थ्यांसाठी जेईई मेन २०२४ ची कटऑफ 93.23 आहे. (JEE Main 2024 Cut Off)

जेईई मेन २०२४ चा निकाल कसा तपासायचा

• सर्वप्रथम तुम्ही jeemain.nta.ac.in या वेबसाइटला भेट द्या.

• यानंतर निकाल विभागात नेव्हिगेट करा. नेव्हिगेशन बारमद्ये JEE Main 2024 Result ची लिंक असेल.

• यानंतर निकाल पाहण्यासाठी तुमचा अर्ज क्रमांक, जन्मतारीख आणि आवश्यक माहिती भरावी.

• यानंतर पुढे क्लिक करुन माहिती सबमिट करा. माहिती भरल्यानंतर तुम्हाला तुमच्या स्क्रिनवर JEE Main 2024 चा निकाल पाहायला मिळेल.

• तु्म्ही हा निकाल डाउनलोड किंवा प्रिंट करु शकता. तसेच वेबसाइटवर परिक्षेची कट ऑफ आणि तुमची रँकदेखील पाहू शकता.