इराण-इस्रायल-अमेरिका युद्धाचा आज तिसरा दिवस आहे. मागच्या दोन दिवसांपासून मध्य पूर्वेमध्ये तीनही देश एकमेकांवर क्षेपणास्त्राचा हल्ला करता आहे. इस्रायल आणि अमेरिकेने कालपासून सौदी अरब देशांवर देखील हल्ले करायला सुरुवात केली आहे. यामुळे जगभरात मोठी खळबळ उडाली आहे. या युद्धामुळे जागतिक बाजारपेठेवर ही मोठा परिणाम झाला आहे. आता प्राप्त झालेल्या माहितीनुसार, इराणमध्ये आतापर्यंत 555 लोकांचा मृत्यू झाला आहे, आणि 130 पेक्षा जास्त शहरांवर हल्ले केले आहेत. तर इस्रायलमधील 11 लोकांचा मृत्यू झाला आहे.

कुवेत या शहरामध्ये अमेरिकन दूतावास राहत असलेल्या ठिकाणी जोरदार हल्ले केले. अमेरिकेने तेथील नागरिकांना आहे त्या ठिकाणी राहण्याचे आवाहन केल्यानंतर काही वेळातच इराणने त्याच ठिकाणी क्षेपणास्त्र डागले. मात्र यामध्ये किती जीवितहानी झाली याबाबत माहिती समोर आली नाहीये.

दरम्यान अमेरिकेचे आणि इस्रायलचे हल्ले सुरू असताना इराणचे सुरक्षा अधिकारी लारीजानी यांनी एक्सवर ट्विट करत शपथ घेतली की आता आम्ही अमेरिकेसोबत कुठलीही चर्चा करणार नाही.

आतापर्यंत इराणच्या 555 लोकांचा मृत्यू

अल जझीराच्या वृत्तानुसार, इराणी रेड क्रेसेंट सोसायटीने म्हटले आहे की अमेरिका-इस्रायलच्या देशभरातील हल्ल्यांमध्ये किमान ५५५ लोक मारले गेले आहेत. सायबर सुरक्षा वॉचडॉग नेटब्लॉक्सने म्हटले आहे की अमेरिका-इस्रायलच्या हल्ल्यादरम्यान इराणमधील इंटरनेट ४८ तासांपासून बंद केले असून आजचा हा युद्धाचा तिसरा दिवस आहे.