युद्धात मध्यस्थीचा दावा करणाऱ्या पाकिस्तानला इराणने मोठा दणका दिला आहे. इराणच्या इस्लामिक रिवोल्यूशनरी गार्ड कॉर्प्सने पाकिस्तानच्या SELEN नावाच्या कंटेनर जहाजाला होर्मुजच्या सामुद्रधुनीतून जाण्यास परवानगी नाकारली आहे. IRGC नेव्ही कमांडर अलिरेजा तंगसीरी यांनी त्याला दुजोरा दिला आहे.

अमेरिका-इस्त्रायलकडून होणाऱ्या हल्ल्यामुळे इराण होर्मुजच्या सामुद्रधुनीवर लक्ष ठेवून आहे. आता या भागात जहाजातून प्रवेश मिळवण्यासाठी इराणची परवानगी गरजेची असणार आहे.सामुद्रधुनीत इराणची परवानगी न घेता प्रवास करणाऱ्या जहाजांना रोखण्यात येत आहे. पाकिस्तानी जहाजाला आज बुधवारी रोखण्यात आलं आहे.

इराणच्या निर्णयाने युद्धात मध्यस्थीचा दावा करणाऱ्या पाकिस्तान उघडा पडला आहे. काही दिवसांपूर्वी पाकिस्तानी तेल टँकर 'कराची'ला जाण्यास इराणने परवानगी दिली होती. मात्र,आता SELEN कंटेनर जहाजाला प्रवेश नाकारून इराणने आक्रमक भूमिका घेतली आहे. इराणने होर्मुजच्या सामुद्रधुनीवर पूर्णपणे नियंत्रण मिळवलं आहे. आता पाकिस्तानच्या जहाजाला जाण्यासाठी इराणकडून परवानगी मिळाली नाही.

अमेरिका,इस्त्रायल आणि इराणमध्ये सुरू असलेल्या होर्मुजच्या सामुद्रधुनीतून होणाऱ्या दळणवळणावर मोठा परिणाम झाला आहे. जगातील २० टक्क्यांहून अधिक कच्च्या तेलाची ने-आण याच मार्गातून केली जाते. आमच्या परवानगीशिवाय सामुद्रधुनीत प्रवेश मिळणार नाही. परवानगी न घेता जाणाऱ्या जहाजांना रोखणार असल्याचा इशारा इराणने दिला आहे. जहाजाला परवानगी नाकारल्याने पाकिस्तानमध्ये पेट्रोल-डिझेल आणि एलपीजी गॅसची समस्या निर्माण होऊ शकते. त्यामुळे अनेक नागरिकांवर उपासणारी वेळ येण्याची शक्यता व्यक्त केली जात आहे.