पहलगाम हल्ल्यानंतर पाकिस्तान आणि भारतात तणाव वाढला आहे. पाकिस्तानच्या कुरापती सुरु असताना भारताने शॉर्ट रेंज डिफेंस मिसाइल सिस्टम खरेदी करण्याचा निर्णय घेतला आहे. या खरेदीमुळे भारताची एअर डिफेन्स सिस्टम आणकी मजबूत होणार आहे. भारतीय सैन्य दलाच्या शत्रूचे विमान, हेलिकॉप्टर, ड्रोनवर हल्ला करण्यासाठी नेक्स्ट जनरेशनचा शॉर्ट रेंज एअर डिफेंस सिस्टम्स खरेदी करण्याची प्रकिया सुरु केली आहे.

भारताच्या सैन्य दलासाठी नवीन एअर डिफेंस सिस्टम खरेदी करण्याची प्रक्रिया सुरु केली आहे. यासाठी संरक्षण मंत्रालयाने निविदा जारी केली आहे. संरक्षण मंत्रालयाने निविदेसाठी शेवटची तारीख २० मे २०२५ ठेवली आहे. रक्षा मंत्रालयाने ४८ लाँचर, ४८ नाइट व्हिजन साइट, ८५ मिसाइल, १ मिसाइल टेस्टिंग स्टेशन खरेदी करण्यासाठी प्रस्ताव जारी केला आहे.

डिफेन्स मिसाइल स्टिस्टमध्ये २४ तासांत शत्रूंचे विमान, हेलिकॉप्टर, ड्रोन पाडण्याची क्षमचा आहे. हाय एल्टीट्यूड एरिया, वाळवंट, समुद्र किनारी भागात मिसाइल सिस्टम काम करेल. या सिस्टमची संपूर्ण खरेदी 'मेक इन इंडिया' अंतर्गत होईल.

शॉर्ट रेंज एअर डिफेंस सिस्टमची वैशिष्ट्ये काय?

शॉर्ट रेंज एअर डिफेंस हा एक एअर डिफेंस सिस्टमचा प्रकार आहे. कमी उंचीवर असलेल्या धोकादायक ड्रोनला पाडण्यासाठी वापर केला जाऊ शकतो. या सिस्टमचा उपयोग दहशतवादी विरोधी ऑपरेशनसाठी वापर केला जातो. कमी उंचीवर उडणाऱ्या धोकादायक ड्रोनवर सिस्टमद्वारे हल्ला करता येऊ शकतो. ही सिस्टम सीमा सुरक्षासाठी महत्वपूर्ण आहे.

दरम्यान, पाकिस्तानने अब्दाली बॅलेस्टिक मिसाइलची चाचणी केल्याचा दावा केलाय. पाकिस्तानने चाचणी केलेल्या मिसाइलची क्षमता ४५० किलोमीटर इतकी आहे. पाकिस्तानच्या दाव्यामुळे आणखी वाद पेटण्याची शक्यता आहे.