Ge F414 Engine India Deal: संपूर्ण जगात फक्त चारच देश आहेत, जिथे लढाऊ विमानांची इंजिने बनवले जातात. या देशात अमेरिका, रशिया, इंग्लंड आणि फ्रान्सचा समावेश आहे. याच अर्थ जगभरात जे लढाऊ विमाने उड्डाण करत आहेत, त्याचे इंजिन याच चार देशांमधून आले आहेत.

यातच आता लढाऊ विमानाचे इंजिन बनवणाऱ्या देशांमध्ये आता भारताचाही समावेश होऊ शकतो. पंतप्रधान नरेंद्र मोदी हे सध्या अमेरिकेच्या दौऱ्यावर आहेत. आपल्या दौऱ्यात पंतप्रधान मोदी अमेरिकन कंपनी जनरल इलेक्ट्रिकने (जीई) सोबत भारतात आपला प्लांट उभारण्यासाठी करार करू शकते.

जीई कंपनी त्यांचे प्लांट किंवा इंजिन बनवण्याचे काम हिंदुस्तान एरोनॉटिक्स लिमिटेडला (एचएएल) परवान्याअंतर्गत देऊ शकते. कंपनी त्यांचे तंत्रज्ञान आणि डिझाइन भारतासोबत शेअर करू शकते. तसेच याशी संबंधित तंत्र देखील येथील अभियंतांना शिकवले जाऊ शकते. जेणेकरून भारतात सहज इंजिन तयार करता येईल.

जर ही इंजिने भारतात बनवली गेली तर ते स्वदेशी लढाऊ विमानांसाठी खूप फायदेशीर ठरेल. कारण इंजिन खरेदी करण्यासाठी भारताला पुन्हा कोणत्याही देशासोबत करार करण्याची गरज भासणार नाही. (Latest Marathi News)

GE-F414 इंजिन काय आहे?

अमेरिकन नेव्ही ३० वर्षांपासून आपल्या लढाऊ विमानांमध्ये हे इंजिन वापरत आहे. हे जनरल इलेक्ट्रिकच्या (GE) फायटर जेट इंजिन सूटचा भाग आहे. जीई एरोस्पेसच्या वेबसाइटनुसार, आतापर्यंत १६०० पेक्षा जास्त F414 इंजिन वितरित केले गेले आहेत. ज्या विमानांमध्ये ही इंजिने बसवण्यात आली आहेत त्यांनी ५० लाख तासांपेक्षा जास्त उड्डाण केले आहे.

ही टर्बोफॅन इंजिन २२००० lb किंवा ९८ किलोन्यूटन थ्रस्ट निर्माण करतात. हे अत्याधुनिक फुल ऑथॉरिटी डिजिटल इलेक्ट्रॉनिक कंट्रोलने (FADEC) बसवलेले आहे. म्हणजेच इंजिनची कार्यक्षमता डिजिटलपणे नियंत्रित करता येते.