दिल्लीतील नागरिकांसाठी मोठी बातमी समोर आली आहे. भारतातील पहिले सरकारी मालकीचे टॅक्सी सेवा अ‍ॅप म्हणजेच "Bharat Taxi App" पायलट ऑपरेशन दिल्लीमध्ये सुरू झाले आहे. ओला, उबर आणि रॅपिडो सारख्या खाजगी टॅक्सी सेवांशी स्पर्धा करण्याच्या उद्देशाने, सरकार-समर्थित राइड-हेलिंग अ‍ॅप जानेवारी २०२६ मध्ये पूर्णपणे लाँच होईल. हे अ‍ॅप चालकांना प्रवासी भाड्याच्या १०० टक्के रक्कम देते.

भारत टॅक्सी ही सहकार टॅक्सी कोऑपरेटिव्ह लिमिटेड एक सहकारी संस्था चालवते. हे अ‍ॅप चालकांना सक्षम करण्यासाठी, जनतेच्या खिशाला परवडणारी आणि विश्वासार्ह वाहतूक प्रदान करण्यासाठी डिझाइन केलेले आहे. सर्व औपचारिकता पूर्ण झाल्यानंतर, भारत टॅक्सी जानेवारी २०२६ मध्ये पूर्णपणे लाँच होईल. आजपर्यंत, भारत टॅक्सीने ५१००० हून अधिक ड्रायव्हर्सची नोंदणी केली आहे. अमूल, इफको, कृभको, नाफेड, एनडीडीबी, एनसीईएल, एनसीडीसी आणि नाबार्ड या आठ प्रमुख सहकारी संस्थांच्या पाठिंब्याने ही सेवा सुरू करण्यात आली.

भारत टॅक्सी १० नोव्हेंबर रोजी दिल्ली आंतरराष्ट्रीय विमानतळावरील दिल्ली वाहतूक पोलिसांच्या प्रीपेड टॅक्सी बूथवर लाँच करण्यात आली. १३ नोव्हेंबर रोजी दिल्लीत आणि त्यानंतर २६ नोव्हेंबर रोजी गुजरातमधील राजकोट येथे ड्रायव्हर अ‍ॅप लाँच करण्यात आले. हे शून्य-कमिशन मॉडेल देते, ज्यामुळे चालकांना प्रत्येक राईडमधून अधिक उत्पन्न मिळते. या अँप मूळे चालक आणि प्रवाशांमध्ये पारदर्शकता राहणार असून त्याचा दोघांनाही फायदा होईल.

'या' अ‍ॅपमधील वैशिष्ट्ये

• अ‍ॅप वापरकर्त्यांसाठी मोबाइलद्वारा सोप्प्या पद्धतीने राईड बुकिंग करता येईल

• भाडे संदर्भात ग्राहकांना पारदर्शकता असणार

• या अ‍ॅपमध्ये गाडीचं ट्रॅकिंग देखील उपलब्ध

• सर्वात महत्त्वाचे म्हणजे हे अ‍ॅप सगळ्या भाषेत उपलब्ध असणार आहे

• भारत टॅक्सी अ‍ॅप प्रवाशांसाठी सोयीस्कर, सुरक्षित आणि सत्यापित ऑनबोर्डिंग सुनिश्चित करून 24/7 ग्राहक सेवा देते.

• अ‍ॅप नागरिकांसाठी टेक सपोर्ट आणि सुरक्षा देखील प्रदान करते.