saam tv
देश विदेश

Crime News: दोन मुलांची आई पडली प्रेमात, बॉयफ्रेंडला हाताशी धरत नवऱ्याचा काढला काटा

Ghaziabad Crime News: गाझियाबादमध्ये पत्नी आणि तिच्या प्रियकराने मिळून पतीची हत्या करण्याचा कट रचला. पोलिसांनी दोघांना अटक केली असून, दुसऱ्या दोन संशयितांचा शोध सुरू आहे. प्रकरणात आर्थिक लालसा आणि बाहेरख्याली संबंधांची भूमिका असल्याचे समोर आले.

Dhanshri Shintre

गाझियाबाद येथे घडलेल्या एका थरारक खुनाच्या प्रकरणाने स्थानिक पोलिस विभाग आणि नागरिकांना हादरवून टाकले आहे. लिंक रोड पोलिस स्टेशन परिसरात सापडलेल्या एका बेपत्ता तरुणाच्या मृतदेहाच्या तपासात उघड झाले की, ही हत्या त्याच्या स्वतःच्या पत्नीने तिच्या प्रियकरासोबत कट रचून केली होती. पोलिसांनी या दोघांना अटक केली असून, त्यांच्यासोबत गुन्ह्यात सहभागी असलेल्या आणखी दोन संशयितांचा शोध सुरू आहे.

साहिबाबादचे एसीपी श्वेता यादव यांनी दिलेल्या माहितीनुसार, ३४ वर्षीय योगेश हा बिजनोरचा रहिवासी होता. तो २ ऑक्टोबरपासून बेपत्ता होता. त्याच्या भावाने लिंक रोड पोलिस ठाण्यात याबाबत तक्रार दाखल केली होती. आठ दिवसांनंतर, ८ ऑक्टोबर रोजी पिलखुवा भागातील जंगलातून योगेशचा सांगाडा स्वरूपात मृतदेह सापडला. तपासानंतर उघडकीस आलेल्या तपशीलांनुसार, योगेशची पत्नी पूजा आणि तिचा प्रियकर आशिष यांनी मिळून त्याचा खून करण्याचा सखोल कट रचला होता आणि यासाठी त्यांनी एका लाख रुपयांचा करार केला होता.

योगेश आणि पूजा यांचे लग्न २०१३ मध्ये झाले होते आणि त्यांना दोन मुले होती. दोघांच्या वैवाहिक नात्यात अनेकदा कलह निर्माण होत असे, कारण पूजाचे बाहेरख्याली संबंध होते. पोलिस तपासानुसार, पूजाचे आधी सुखदेव नावाच्या व्यक्तीशी संबंध होते. सुखदेव आणि त्याचा मित्र आशिष दोघे कर्नाटकातील एका टॉवर इन्स्टॉलेशन कंपनीत काम करत होते. नंतर सुखदेवनेच पूजाचा नंबर आशिषला दिला आणि त्यानंतर आशिष आणि पूजामध्ये प्रेमसंबंध निर्माण झाले. आशिषने कर्नाटकातील नोकरी सोडून गाझियाबादला परत येत पूजासोबत एक वर्ष लिव्ह-इन रिलेशनशिपमध्ये राहायला सुरुवात केली. याच काळात दोघांनी मिळून पूजाच्या पतीची हत्या करण्याची योजना आखली.

तपासात असेही समोर आले की पूजाला तिच्या कुटुंबाकडून काही जमीन वारशाने मिळाली होती. ती विकून तिने पैसे बँकेत जमा ठेवले होते, आणि त्यातून हत्येचा सगळा खर्च केला गेला. योगेशला जेव्हा पूजाच्या संबंधांची माहिती मिळाली, तेव्हा त्याने या नात्याला विरोध केला. याच वेळी पूजाने त्याच्याकडून घटस्फोट मागितला, परंतु मुलांच्या भविष्याचा विचार करून योगेशने त्यास नकार दिला. पूजाने त्यानंतर कायदेशीर लढ्याची तयारी केली आणि एकीकडे आशिषसोबत खूनाचा कट आखला.

योगेशला बिजनोर येथे बोलावण्यात आले. जिथे त्याचा फोटो घेऊन दोन सुपारी किलरना हत्या करण्याचे काम सोपवले गेले. पहिल्यांदा प्रयत्न फसला, पण २४ सप्टेंबर रोजी दुसऱ्यांदा कट रचण्यात आला. योगेश आपल्या दुचाकीवरून पिलखुवा भागात पूजाला घेण्यासाठी पोहचला होता. त्यावेळी आशिषही त्याच्यासोबत होता, तर चंद्रपाल आणि प्रवीण नावाचे दोघे जंगलाजवळ दबा धरून होते. योगेश तिथे पोहोचताच चंद्रपाल मागून आला आणि पेपर कटरने त्याच्या मानेवर वार केला. योगेश पळण्याचा प्रयत्न करत होता. पण पूजाने आणि आशिषने त्याला पकडून ठेवले आणि अखेर चंद्रपालने त्याचा गळा चिरला.

या घटनेनंतर आरोपींनी मृतदेह जंगलात फेकून दिला. काही दिवसांनी गावकऱ्यांना कुजलेल्या दुर्गंधीचा संशय आला आणि पोलिसांना कळवण्यात आले. पोलिसांनी ड्रोनच्या मदतीने शोध घेतला आणि मृतदेहाचा सांगाडा मिळवला. त्याची ओळख कपड्यांवरून व जवळ सापडलेल्या दुचाकीवरून करण्यात आली. सध्या पूजा आणि तिचा प्रियकर आशिष पोलिसांच्या ताब्यात आहेत, तर चंद्रपाल आणि प्रवीण यांचा शोध पोलिस घेत आहेत.

या घटनेनंतर आरोपींनी मृतदेह जंगलात फेकून दिला. काही दिवसांनी गावकऱ्यांना कुजलेल्या दुर्गंधीचा संशय आला आणि पोलिसांना कळवण्यात आले. पोलिसांनी ड्रोनच्या मदतीने शोध घेतला आणि मृतदेहाचा सांगाडा मिळवला. त्याची ओळख कपड्यांवरून व जवळ सापडलेल्या दुचाकीवरून करण्यात आली. सध्या पूजा आणि तिचा प्रियकर आशिष पोलिसांच्या ताब्यात आहेत, तर चंद्रपाल आणि प्रवीण यांचा शोध पोलिस घेत आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Gopichand Padalkar: मुस्लिम भारताला युद्धाचं घर मानतात; गोपीचंद पडळकर यांचं वक्तव्य चर्चेत, VIDEO

Eyebrow Care: जाड Eyebrows हव्यात? मग हे तेल ठरेल सगळ्यात बेस्ट

Spruha Joshi: स्पृहा जोशीचं आरस्पानी सौंदर्य, साडीतील फोटोंवर लाईक्सचा वर्षाव

Maharashtra Live News Update : जयंत पाटील, काँग्रेस आमदार विश्वजीत कदम आणि सांगलीचे खासदार विशाल पाटील यांच्यात बंद दाराआड चर्चा

माजी पंतप्रधानांचा गायिकेसोबत किस करतानाचा फोटो व्हायरल; राजकीय वर्तुळात खळबळ, कोणत्या देशात घडला प्रकार?

SCROLL FOR NEXT