तुमचा मुलगा सारखा मोबाईल गेम खेळत असेल तर आत्ताच सावध व्हा. कारण मुलांच्या हातातला मोबाईल नुसता मनोरंजनापुरता उरलेला नाहीये तर थेट दहशतवादी संघटनांच्या 'डिजिटल शिकारी'चं माध्यम बनलंय. लोकप्रिय गेमिंग प्लॅटफॉर्मचा वापर करून मुलांना कट्टरपंथी बनवण्याचा नवा डाव समोर आलाय. अमेरिकेतल्या एका मीडिया रिपोर्टनुसार, आंतरराष्ट्रीय दहशतवादी संघटना आणि जहाल गट मुलांना जाळ्यात ओढण्यासाठी गेमिंग प्लॅटफॉर्मचा वापर करत आहेत.

तुमच्या मुलांची 'डिजिटल शिकार'?

या दहशतवादी संघटनांकडून 11 ते 17 वयोगटातील मुलं टार्गेट केली जातात

सोशल मीडियावर आकर्षक, कूल वाटणारे मीम्स दाखवून मुलांचं लक्ष वेधतात.

'रोब्लॉक्स' आणि 'माइंडक्राफ्ट' सारख्या लोकप्रिय गेम्समध्ये मैत्री करून मुलांचा विश्वास संपादन करतात.

मुख्य गेम सोडून मुलाला 'प्रायव्हेट सर्व्हर' किंवा सिक्रेट मोडवर बोलावलं जातं.

'डिस्कॉर्ड' सारख्या एनक्रिप्टेड चॅटवर नेऊन मुलांना कट्टरपंथी विचारांचं ट्रेनिंग नंतर आभासी जगातून बाहेर काढून विघातक कृत्यांसाठी ब्रेनवॉशिंग केलं जातं.

सोशल मीडियावरील सुरक्षेमुळे दहशतवादी संघटनांनी आता गेमिंग विश्वाकडे आपला मोर्चा वळवलाय.. रोब्लॉक्स'सारख्या गेम्समध्ये युजरने तयार केलेली सामग्री इतकी प्रचंड आहे की, स्वयंचलित सिस्टमद्वारे त्यावर नजर ठेवणे जवळपास अशक्य आहे. या पार्श्वभूमीवर पालकांनीच अधिक जागरूक राहिलं पाहिजे.