Bangladesh Politics: संविधान बदलण्यास नव्या PM चा नकार; तारिक रहमान यांनी युनूस यांचा प्रस्ताव फेटाळला

बीएनपी नेते तारिक रहमान यांनी बांगलादेशच्या पंतप्रधान पदाची शपथ घेतली. तारिक रहमान यांच्यासह २५ खासदारांनी मंत्रीपदाची शपथ घेतली आहे. नवी सरकारच्या मंत्रिमंडळात दोन हिंदू नेत्यांचा समावेश करण्यात आला आहे. पंतप्रधान पदाची शपथ घेण्याआधीच त्यांनी एक मोठा निर्णय घेत मोहम्मद युनूस यांना दणका दिलाय. तारिक यांनी संविधानात सुधारणा करण्यात येणार नसल्याचं म्हटलंय. मोहम्मद युनूस यांच्या अंतरिम सरकारने कॉन्स्टिट्यूशन रिफॉर्म काउंसिलचा प्रस्ताव दिला होता.

खासदारांच्या शपथविधीच्यावेळीच मोहम्मद युनूस यांच्या या मनमानी निर्णयाला बीएनपीने फेटाळून लावलंय. BNP नेता सलाउद्दीन अहमद यांनी तारिक रहमान यांनी सांगितलं की, तारिक रहमान यांच्या सर्व नवनिर्वाचित खासदारांना कॉन्स्टिट्यूशन रिफॉर्म काउंसिल फॉर्मवर स्वाक्षरी करून नये, असं सांगण्यात आलं. कारण ते परिषदेचे सदस्य म्हणून निवडून आले नव्हते. बीएनपीच्या या निर्णयामुळे मोहम्मद युनूस यांच्या संविधानात सुधारणा करण्याच्या प्रयत्नांना तडा गेलाय. या परिषदेचा उद्देश संसदीय निवडणुकांसोबत झालेल्या जनमत चाचणीनुसार बांगलादेशच्या संविधानात बदल करणे हा होता.

कॉन्स्टिट्यूशन रिफॉर्म काउंसिल संविधानात नाही

डेली स्टारमधील वृत्तानुसार सलाहुद्दीन अहमद यांनी स्पष्ट केले की, कॉन्स्टिट्यूशन रिफॉर्म काउंसिलचा कमल संविधानात नाहीये. त्यांनी सांगितले की, जनमत चाचणीच्या निकालांच्या आधारे प्रथम परिषदेचा संविधानात समावेश केला पाहिजे. शिवाय, त्यांनी सांगितले की त्यासाठी अनेक महत्त्वाचे नियम आवश्यक आहेत. यात संविधान सुधारणा परिषदेच्या सदस्यांना पदाची शपथ कोण देईल हे देखील समाविष्ट आहे. तसेच काउंसिलला आधी जनमत घेऊन संविधानात समाविष्ट केले पाहिजे.

दरम्यान बीएनपी खासदारांना केवळ बांगलादेश संसदेचे सदस्य म्हणून शपथ देण्यात आली. बीएनपीचा असा दावा आहे की, संविधान सुधारणा परिषदेचे नियम अद्याप सध्याच्या संविधानाचा भाग नाहीत आणि त्यावर संसदेत चर्चा आवश्यक आहे. सकाळी १०:२८ वाजता तारिक रहमान त्यांच्या पत्नी झुबैदा रहमान आणि मुलगी झैमा रहमान यांच्यासह खासदार म्हणून शपथ घेण्यासाठी शपथगृहात दाखल झाले. यानंतर मुख्य निवडणूक आयुक्त एएमएम नासिर उद्दीन यांनी १३ व्या संसदीय निवडणुकीत निवडून आलेल्या खासदारांना शपथ दिली.