अमेरिकेचे राष्ट्राध्यक्ष डोनाल्ड ट्रम्प यांनी भारताचा टॅरिफ वाढवण्याचे संकेत दिले आहे. ट्रम्प यांनी टॅरिफ वाढवण्याबाबत योजना आखण्यास सुरुवात केल्याची माहिती मिळत आहे. काही दिवसांपूर्वी अमेरिकेने भारताला २५ टक्के टॅरिफ लागू केला होता. डोनाल्ड ट्रम्प यांनी सोशल मीडियावर पोस्ट करत भारताला सुनावलं आहे.

डोनाल्ड ट्रम्प यांनी सोशल मीडियावर म्हटलं की, 'भारत रशियाकडून फक्त तेल खरेदी करत नाही. तर चांगला नफा मिळवण्यासाठी खुल्या बाजारात विक्री करत आहे. त्यांना रशियाच्या युद्ध मशीनमुळे किती जणांचा मृत्यू होत आहे, याच्याशी त्यांना फरक पडत नाही'.

भारतावर २५ टक्क्यांचा टॅरिफ लागू केला. त्यानंतर रशियासोबत व्यापार करण्यावरही दंड लागू करण्याची घोषणा केली. त्यानंतर ट्रम्प यांनी सोशल मीडियावर म्हटलं होतं की, 'मला काहीही फरक पडत नाही की, ते एकत्र आपली 'मृत अर्थव्यवस्था' गर्तेत कशी नेतात'.

ट्रम्प यांनी बुधवारी ब्रिक्स समूह आणि भारतासोबतच्या तुटीचा उल्लेख केला. त्यांनी म्हटलं की, 'आम्ही सध्या चर्चा करत आहोत. त्यात ब्रिक्सचा मुद्दाही आहे. ब्रिक्स समूह हा अमेरिकेच्या विरोधी देशांता गट आहे. भारत देखील त्याचा सदस्य आहे. हे अमेरिकेच्या चलन, व्यापारावर हल्ला आहे'.