बाबा चैतन्यानंद सरस्वतीच्या अडचणीत अजून वाढ होण्याची शक्यता आहे. लैंगिक शोषणाच्या आरोपाखाली अटकेत असलेल्या चैतन्यानंद सरस्वतीचा अजून एक डर्टी प्रकार समोर आलाय. पोलिसांनी बाबा चैतन्यनंद सरस्वती यांच्या इन्स्टिट्यूटची झडती घेतल्यानंतर मोठी बाब उघडकीस आलीय.

पोलिसांना झडतीदरम्यान आक्षेपार्ह साहित्य जप्त करण्यात आले. आज तपासादरम्यान पोलिसांचे एक पथक बाबांसोबत इन्स्टिट्यूटमध्ये गेले. पोलिसांनी संस्थेच्या परिसरात दुसऱ्यांदा झडती घेतली. या छाप्यादरम्यान पोलिसांना अनेक आपत्तीजनक वस्तू सापडल्या. यात एक सेक्स टॉय, अश्लील व्हिडिओ असलेल्या पाच सीडी सापडल्या आहेत.

त्याचबरोबर जागतिक नेत्यांसोबतचे त्यांचे बनावट फोटोदेखील मिळून आले. बाबा चैतन्यानंद सरस्वती यांचा अमेरिकेचे माजी राष्ट्राध्यक्ष बराक ओबामा यांच्यासोबत फोटो आहे. तसेच युकेचे माजी पंतप्रधान डेविड कॅमरून यांच्यासोबतचाही फोटो पोलिसांना मिळून आलाय. लैगिंक शोषणाचा प्रकार उघडकीस आल्यानंतर बाबा फरार झाला होता.

चैतन्यानंद सरस्वती बागेश्वर आणि अल्मोडाला गेला होता. तेथेच पोलिसांनी त्याला अटक केली होती. दरम्यान पोलिसांनी बाबा चैतन्यानंद सरस्वतीचे अनेक एअर होस्टेससोबतचे फोटो आणि चॅटिंग जप्त केल्या आहेत. याआधीही बाबाबद्दल आणखी धक्कादायक खुलासे झालेत.

बाबाच्या मोबाईल फोनमधून अनेक मुलींसोबत केलेली चॅटिंग उघडकीस आली. यात बाबा मुलींना काहीतरी आमिष देऊन मुलींना फसवत असल्याचं तपासात समोर आलंय. यासह बाबाचे एअर होस्टेटसह फोटोदेखील समोर आलेत. तसेच काही मुलींचे प्रोफाईल फोटोही बाबाने आपल्या मोबाईलमध्ये स्क्रीनशॉटच्या माध्यमातून सेव्ह केले होते.

बाबाचे अनेक मुलींसोबतच्या अश्लील चॅट्स देखील पोलिसांनी जप्त केले आहेत, ज्यामध्ये तो थेट सेक्सबद्दल चर्चा करताना दिसतो. शिवाय, इतर असंख्य डिलीट केलेल्या चॅट्स परत मिळवण्याचा प्रयत्न केला जात आहे. यापूर्वी बाबा चैतन्यानंद सरस्वती पोलिसांच्या चौकशीदरम्यान उडावाउडवीची उत्तरे देत होता. जेव्हा पोलिसांनी त्याला आपला खाकीचा रुबाब दाखवला तेव्हा बाबानं चौकशीला स्पष्ट उत्तरं दिलं.