पश्चिम बंगालमध्ये गेल्याच महिन्यात भाजपचा दणदणीत विजय झाला आणि सूवेंदु अधिकारी हे मुख्यमंत्रिपदी विराजमान झाले. सरकार स्थापन होताच बंगालमध्ये भाजप सरकार मोठमोठे निर्णय घेताना दिसत आहे. अशातच शनिवारी रेल्वेमंत्री अश्विनी वैष्णव यांनी पश्चिम बंगालमधील बुलेट ट्रेन प्रकल्पाबाबत मोठी घोषणा केली. दिल्ली ते सिलीगुडी असा हा बुलेट ट्रेनचा प्रकल्प असणार आहे. अश्विनी वैष्णव म्हणाले, दिल्ली ते सिलीगुडी दरम्यान बुलेट ट्रेन प्रकल्प प्रस्तावित असून हा हाय स्पीड कॉरीडोर केवळ 6 तासांत प्रवास पूर्ण करेल. हा मार्ग लखनऊ, वाराणसी आणि पटना मार्गे जानर आहे. या प्रकल्पामुळे पूर्व भारताच्या कनेक्टीव्हिटीमध्ये मोठी सुधारणा होणार आहे.

तसेच कोलकत्ता मेट्रोसाठी पुढील पाचवर्षांत नवीन 60 ट्रेन सुरू करण्याचा मोठा निर्णय घेण्यात आला आहे. वैष्णव यांनी सांगितले की, 2014 पूर्वी फक्त 28 किमी मेट्रोचे जाळे पसरले होते. त्यानंतरच्या काळात 45 किमी आणखी नवीन मार्ग जोडले गेले आहेत. आता मेट्रोचे जाळे वाढवले जाणार असून विशेष या सर्व मेट्रो अनेक नवीन बदलासह प्रवाशांना मिळणार आहे.

मुख्यमंत्री सूवेंदु अधिकारी यांनीही मोठी घोषणा करत सांगितले की, राज्यात सुमारे 1 लाख कोटी रुपयांच्या रेल्वे प्रकल्पांची अंमलबजावणी केली जाणार आहे. यासाठी आवश्यक जमीन वेळेत उपलब्ध करून देण्यासाठी जिल्हाधिकारी स्तरावर टाइमलाइन तयार करण्याचे निर्देश देण्यात आले आहेत. राज्यातील प्रत्येक जिल्हा रेल्वे नेटवर्कशी जोडण्याचा सरकारचा उद्देश आहे असे मुख्यमंत्री म्हणाले.

मुख्यमंत्री पुढे म्हणाले, तसेच केंद्र आणि राज्य सरकारमधील सुधारलेल्या संबंधांमुळे प्रकल्पांच्या अंमलबजावणीला वेग येईल, असा विश्वास त्यांनी व्यक्त केला. वैष्णव यांनी राज्य सरकारच्या सहकार्याचे स्वागत करत सांगितले की, जमीन अधिग्रहण आणि मंजुरी प्रक्रियेत सहकार्य मिळाल्यास प्रकल्प वेळेत पूर्ण होऊ शकतात. एकूणच, बुलेट ट्रेनपासून मेट्रो विस्तारापर्यंतच्या या घोषणांमुळे पश्चिम बंगालच्या पायाभूत विकासाला मोठी चालना मिळण्याची शक्यता आहे.