दिल्लीच्या लक्ष्मीबाई कॉलेजजवळ रविवारी दिल्ली विद्यापीठाच्या दुसऱ्या वर्षांच्या विद्यार्थिनीवर अॅसिड हल्ला झाल्याची घटना घडली आहे. कॉलेजपासून काही अंतरावर तरुणीवर अॅसिड हल्ला झाला. कॉलेजला जाताना तरुणीला अडवून तिच्यावर अॅसिड हल्ला केल्याचे समोर आलं आहे. या घटनेने राजधानीत खळबळ उडाली आहे.

पीडित तरुणीवर अॅसिड हल्ला होताना चेहरा झाकण्याचा प्रयत्न केला. यावेळी तिचा हात भाजला. पोलिसांनी तरुणीच्या विधानावर कारवाई सुरु केली आहे. राजधानीत सकाळी १० वाजता घटना घडली. हल्ला झाल्यानंतर उपस्थित लोकांनी पीडित तरुणीला तातडीने रुग्णालयात दाखल केलं. तरुणीच्या हात भाजल्याचं रुग्णालयाने सांगितलं आहे. रुग्णालयात दाखल केल्यानंतर तरुणीवर तातडीने उपचार सुरु करण्यात आले.

दिल्ली पोलिसांनी दिलेल्या माहितीनुसार, दिल्लीच्या मुकुंदपूरची २० वर्षीय तरुणीवर अॅसिड हल्ला झाल्याची माहिती मिळाली. ही तरुणी दृतीय वर्षांची (नॉन-कॉलेज) विद्यार्थी आहे. तरुणी लक्ष्मीबाई कॉलेजच्या अशोक विहार येथे जात होती.

तरुणीवर तिच्या ओळखीच्या तरुणाने अॅसिड हल्ला केला. जितेंद्र असे मुख्य आरोपी तरुणाचे नाव आहे. आरोपी जितेंद्र हा मुकुंदपूरचा राहणार आहे. जितेंद्र हा ईशान आणि अरमानसोबत दुचाकीने आला होता. ईशानने अरमानला एक बॉटल दिली. त्यानंतर त्याने अॅसिड हल्ला केल्याचाही आरोप केला जात आहे.

हल्ला केल्यानंतर चेहरा झाकल्याने अॅसिडने तरुणीचे दोन्ही हात भाजले. आरोपी घटनास्थळावरून तातडीने फरार झाले. पीडित तरुणीच्या आरापोनुसार, जितेंद्रने पाठलाग केला. एका महिन्यापूर्वी तरुणी आणि त्याचे वाद झाले होते. या घटनेनंतर पोलिसांनी घटनास्थळाची पाहणी केली. पीडित तरुणीच्या विधानावरुन गुन्हा नोंदवला आहे. पोलिसांचे अनेक पथक घटनास्थळावरील सीसीटीव्हींचा तपास करत आहे. सीसीटीव्ही फुटेज आणि आजूबाजूच्या लोकांची विचारपूस देखील सुरु केली आहे.