विहंग ठाकूर

राजधानी दिल्लीतून (Delhi) काल एक सामुहिक बलात्काराची घटना उघडकीस आली. दिल्ली कॅंट पोलीस स्टेशन (Delhi Cantt police station) परिसरातील ओल्ड नांगलमध्ये एका 9 वर्षीय मुलीवर स्मशानभुमीत तिच्यावर बलात्कार (Rape) करुन तिला जिवंत जाळण्यात आले. या घटनेची दखल घेत कॉंग्रेस खासदार राहून गांधी यांनी आज पिडीतेच्या कुटंबीयांची भेट घेतली. (Delhi Rape Case: This is an incident like Hathras)

यावेळी राहूल गांधी यांनी पिडीतेच्या कुटुंबीयांचे सांत्वन केले. ''मी कुटुंबाशी बोललो आणि कुटुंब फक्त न्याय मागत आहे. त्यांना न्याय मिळत नसून त्यांना पूर्ण मदत देण्यात यावी, असे कुटुंबीय सांगत आहेत. जोपर्यंत त्यांना न्याय मिळत नाही, तोपर्यंत मी त्यांच्या पाठीशी उभा आहे आणि एक इंचही मागे हटणार नाहीत.'' असे त्यांनी म्हटले आहे. मात्र या घटनेमुळे परिसरातील नागरिकांमध्ये प्रचंड संतापाचे वातावरण आहे. हे प्रकरण आता चांगलेच शिगेला पोहचल्याचे दिसत आहे.

आरोपींनी 9 वर्षांच्या मुलीवर बलात्कार, हत्या आणि नंतर जबरदस्तीने तिच्या मृतदेहावर अंत्यसंस्कार केल्याचा आरोप केला आहे. या घटनेला परिसरातील लोकांनी उत्तर प्रदेशातील हाथरस सामूहिक बलात्कार आणि दलित मुलीच्या हत्येसारखी घटना म्हणून सांगत आहेत. ही घटना उघकीस येताच स्थानिक नागरिकांनी या घटनेच्या निषेधार्थ स्मशानभूमीच्या बाहेर आंदोलन सुरू केले आहे. मात्र, पोलिसांनी या प्रकरणात आरोपी पुजाऱ्यासह चार जणांना अटक केली आहे.

Edited By- Anuradha