Congress President Election News : काँग्रेस अध्यक्षपदाच्या निवडणुकीकडे साऱ्यांचे लक्ष लागले आहे. काँग्रेस अध्यक्षपदाची निवडणुकीसाठी पक्षातील अनेक दिग्गजांची नाव पुढे येऊ लागली आहेत. त्यामुळे या निवडणुकीत रंगत वाढली आहे. काँग्रेस (Congress) अध्यक्षपदाच्या निवडणुकीवरून राजस्थानमध्ये नाट्यमय राजकीय घडामोडी पाहायला मिळत आहेत. याचदरम्यान, काँग्रेस अध्यक्षपदाची निवडणूक पक्षातील जेष्ठ नेते दिग्विजय सिंह (Digvijay Singh) देखील लढण्याची शक्यता आहेत. दिग्विजय सिंह लवकरच काँग्रेस अध्यक्षपदाची निवडणुकीसाठी अर्ज दाखल करू शकतात.

काँग्रेस अध्यक्षपदाची निवडणुकीच्या शर्यतीत याआधी शशी थरूर आणि अशोक गेहलोत यांची नावे चर्चेत आहेत. अशोक गेहलोत यांचे नाव पुढे आल्याने राजस्थानमध्ये (Rajasthan) नाट्यमय राजकीय घडामोडी पाहायला मिळत आहेत. त्यामुळे अशोक गेहलोत सदर निवडणूक लढतील का ? यावर शंका उपस्थित करण्यात येत आहे.

दुसरीकडे शशी थरूर हे देखील अध्यक्षपदाच्या निवडणुकीच्या रिंगणात उतारणार अशी मोठी शक्यता आहे. तर शशी थरूर ३० सप्टेंबर रोजी निवडणुकीसाठी अर्ज दाखल करण्याची शक्यता आहे. याचदरम्यान काँग्रेसच्या अध्यक्षपदाच्या निवडणुकीत दिग्विजय सिंह यांचेही नाव समोर आले आहे.

दरम्यान, थरूर, गेहलोत यांच्या व्यतिरिक्त अध्यक्षपदाच्या शर्यतीत मुकुल वासनिक, मल्लिकार्जुन खरगे, केसी वेणुगोपाल यांची नावे अध्यक्षपदाच्या शर्यतीत चर्चेत आहेत. अध्यक्षपदाच्या शर्यतीत जेष्ठ नेते दिग्विजय सिंह यांच्या देखील नावाची भर पडली आहे. दरम्यान, दिग्विजय सिंह यांच्याकडे संघटनात्मक आणि प्रशासकीय कामाचा अनुभव आहे. ते मध्य प्रदेशचे दोन वेळा मुख्यमंत्रिपदाचा कार्यभार हाताळला आहे. दिग्विजय सिंह हे गांधी कुटुंबाचे निकटवर्तीय मानले जातात.