कोलंबियन हवाई दलाचे विमान कोसळले. हे विमान लॉकहीड मार्टिन सी-१३० हर्क्युलस प्रकारचे होते, ज्याचा वापर मोठ्या मोहिमांदरम्यान सैनिकांच्या वाहतुकीसाठी केला जातो. कोलंबियन हवाई दलाचे विमान कोसळले. हे विमान लॉकहीड मार्टिन सी-१३० हर्क्युलस प्रकारचे होते, ज्याचा वापर मोठ्या मोहिमांदरम्यान सैनिकांच्या वाहतुकीसाठी केला जातो.

कोलंबियामध्ये सोमवारी एक मोठी विमान दुर्घटना घडली. कोलंबिया हवाई दलाचे 'सी-130 हरक्यूलिस' हे विमान उड्डाण केल्यानंतर काही वेळातच कोसळले आणि त्याला भीषण आग लागली. या विमानामध्ये एकूण ११० जवान प्रवास करत होते. हे विमान पेरूच्या सीमेजवळ असलेल्या प्यूर्टो लेगुइजामो येथून सैनिकांना घेऊन जात असताना दुर्दैवी अपघात झाला. त्यानंतर कोलंबियाच्या सैन्यदलात एकच खळबळ उडाली आहे. या घटनेचे काही फोटो आणि व्हिडिओ सोशल मीडियावर व्हायरल झाले आहेत.

अपघात इतका भयंकर होता की विमान आगीच्या गोळ्यात रूपांतरित झाले. या अपघातात नेमकी किती जीवितहानी झाली? विमान कोसळण्याचे कारण काय होते? याची माहिती अद्याप समोर आलेली नाही. सध्या घटनास्थलावर बचावकार्य सुरू आहे. या घटनेमुळे कोलंबियात हळहळ व्यक्त केली जात आहे. हे विमान मानवी वस्तीपासून साधारण ३ किलोमीटर दूर अंतरावर कोसळले. त्यामुळे मोठी दुर्घटना टळली.

दुर्घटनाग्रस्त विमान दक्षिण भागातील पुटुमायो (Putumayo) प्रांतातील ला तागुआ धावपट्टीवरून उड्डाण करत असताना कोसळल्याची माहिती स्थानिक प्रसार माध्यमांनी दिली. आताच समोर आलेल्या माहितीनुसार, अपघातानंतर तातडीने राबवण्यात आलेल्या मोहिमेत किमान २० जवानांना सुरक्षितपणे बाहेर काढण्यात यश आले आहे. तर इतर जवानांचा शोध अद्याप सुरू आहे. कोलंबियाचे राष्ट्राध्यक्षांनी या दुर्घटनेबद्दल तीव्र दुःख व्यक्त केले आहे.