छत्तीसगडमधील जांजगीर येथून एक धक्कादायक बातमी समोर येत आहे. एका तरूणाची प्रेयसीसोबत हॉटेलमध्ये शारीरिक संबंध ठेवताना दुर्देवी मृत्यू झाला आहे. त्यानं हॉटेलमध्ये गेल्यानंतर शक्तिवर्धक गोळ्या खाल्ल्या. यानंतर शारीरिक संबंध ठेवताना तरूण खाली कोसळला. त्याला तातडीने उपचारासाठी रूग्णालयात दाखल करण्यात आले. मात्र, डॉक्टरांनी त्याला मृत घोषित केले. तरूणाचा मृतदेह शवविच्छेदनासाठी पाठवण्यात आले असून, पोस्टमार्टम रिपोर्टमधूनच मृत्यूचे खरे कारण उघड होईल.

मिळालेल्या माहितीनुसार, कृष्णचंद देवांगन असे मृत तरूणाचे नाव आहे. हा तरूण जावलपूर येथील रहिवासी आहे. पोलिसांनी दिलेल्या माहितीनुसार, तरूण आणि युवतीची ओळख इन्स्टाग्रामवर झाली होती. ही तरूणी बिर्रा येथील रहिवासी असल्याची माहिती आहे. ओळख वाढल्यानंतर दोघांमध्ये मैत्री झाली. मैत्रीचं रूपांतर प्रेमात झालं.

दोघेही वारंवार एकमेकांना भेटत होते. दोघांनी हॉटेलमध्ये जाण्याचे ठरवले. तरूण प्रेयसीला कालिका हॉटेलमध्ये घेऊन गेला होता. शरीरसंबंध ठेवण्यापूर्वी तरूणानं शक्तिवर्धक गोळ्या खाल्ल्या असल्याची माहिती आहे. मात्र, त्यानंतर शक्तिवर्धक गोळ्या खाल्ल्यानंतर त्याला त्रास झाला. तो खाली कोसळला.

तरूणाला तातडीने रूग्णालयात नेण्यात आले. मात्र, उपचारापूर्वीच तरूणाचा मृत्यू झाला. डॉक्टरांनी तपासून तरूणाला मृत घोषित केले. तरूणाच्या पोटात काही गोळ्याही आढळल्या आहेत. दरम्यान, तरूणाचा मृतदेह शवविच्छेदनासाठी रूग्णालयात पाठवण्यात आले आहे. शवविच्छेदन अहवाल समोर आल्यानंतर तरूणाच्या मृत्यूचे कारण स्पष्ट होईल.

पोलिसांनी सांगितले की, तरूणाने शरीरसंबंध ठेवण्यापूर्वी शक्तिवर्धक गोळ्या खाल्ल्या होत्या. डॉक्टरांनी सांगितले की, लैंगिक क्षमता वाढवण्यासाठी गोळ्या घेतल्यामुळे तरूणाचा मृत्यू झाला. मात्र, पोस्टमार्टम रिपोर्ट समोर आल्यानंतर मृत्यूचे कारण समोर येईल. दरम्यान, या घटनेनंतर परिसरात खळबळ उडाली असून, पोलिसांकडून पुढील तपास सुरू आहे.