दिल्ली-मुंबई एक्सप्रेसवेवर शिवगढजवळ भीषण अपघात झाला. शुक्रवारी-शनिवारी मध्यरात्री राजस्थानमधील खाटू श्यामच्या दर्शनासाठी निघालेल्या कुटुंबाची कार थेट उभ्या असलेल्या ट्रकला धडकली. या भीषण अपघातात चार जणांचा जागीच मृत्यू झाला, तर दोन मुलांसह पाच ज्न गंभीर जखमी झाले आहेत. हा अपघात रात्री 2 वाजण्याच्या सुमारास झाला. कोटाच्या दिशेने जाणारी अर्टीगा कार रस्त्याच्या कडेला उभ्या असलेल्या ट्रकच्या मागील बाजूला जाऊन धडकली. धडक इतकी भीषण होती की कारचा अक्षरशः चुराडा झाला. कारमधील प्रवासी गंभीर जखमी होऊन वाहनातच अडकले होते.

अपघाताची माहिती मिळताच शिवगढ पोलिस घटनास्थळी दाखल झाले. स्थानिक नागरिक आणि टोल कर्मचाऱ्यांच्या मदतीने कारमध्ये अडकलेल्या जखमी आणि मृतांना बाहेर काढण्यात आले. त्यानंतर जखमीना उपचारासाठी रतलाम मेडिकल कॉलेजमध्ये दाखल करण्यात आले. हे सर्वजण नातेवाईक असल्याचे सांगितले जात आहे. ते खाटू श्यामच्या दर्शनासाठी निघाले होते. या दुर्घटनेत तीन महिला आणि एका पुरुषाचा जागीच मृत्यू झाला. तर जखमी झालेल्या पाच जणांमध्ये दोन मुलांचाही समावेश आहे. हे सर्वजण इंदौर, धार आणि झाबूआ जिल्ह्यातील रहिवासी असल्याचे सांगण्यात येत आहे.

दिल्ली-मुंबई एक्सप्रेसवेवरील शिवगढ पोलिस ठाण्याच्या हद्दीत अपघात झाल्याची माहिती मिळताच पोलिस पथक घटनास्थळी पोहोचले. जखमींना रतलाम मेडिकल कॉलेजमध्ये दाखल करण्यात आले असून, मृतांचे मृतदेह वाहनातून बाहेर काढून शवविच्छेदनासाठी पाठवण्यात आले आहेत. प्राथमिक माहितीनुसार, अपघातातील सर्वजण आपापसांत नातेवाईक आहेत. या प्रकरणाचा तपास शिवगढ पोलिस करत आहेत.