बिहारच्या किशनगंज येथून वेश्याव्यवसायाचा गंभीर प्रकार उघडकीस आला आहे. मध्य प्रदेशातील एका तरूणीला नोकरीचा प्रलोभन दाखवून या व्यवसायात भाग पाडण्यात आले आहे. तरूणीनं या वेश्याव्यवसायाच्या दलदलीतून स्वत:ची सुटका करून घेतली. तिनं तेथून पळ काढला आणि शेतात लपली. स्थानिक रहिवासी आणि पोलिसांनी तरूणीची मदत केली. शुक्रवारी तिला सुखरूप कुटुंबाच्या स्वाधीन करण्यात आले.

मिळालेल्या माहितीनुसार, मध्य प्रदेशातील गरीब कुटुंबात तरूणी वाढली. तिचे पालक तरूणीचे जबरदस्तीने लग्न लावून देत होते. तिला पुढे शिकायचं होतं. तिनं घरातून पळ काढला, ते थेट पाटना गाठला. तिथे लोकप्रिय शिक्षक खान सरांना भेटली. खानं सरांनी तिथे शिक्षणिक सुविधांचे आश्वासन दिले. परंतु राहण्याची आणि खाण्याची सोय तिला स्वत: करायची होती. या काळात तरूणी मॉलमध्ये नोकरी करू लागली.

मॉलमध्ये तिला २ अनोळखी तरूणी भेटल्या. तिला नोकरीचे आमिष दाखवले. तरूणी त्यांच्यासोबत पाटनाहून किशनगंजला पोहोचली. तिथे तिला रेड लाईट एरियामध्ये घेऊन गेल्या. तरूणीनं विरोध केला. तिला बेदम मारहाण करण्यात आली.

या छळाला कंटाळून तिनं तेथून पळ काढला. रात्री घरातून पळाली तसेच थेट शेत गाठले. स्थानिकांची भेट घेऊन सगळी आपबिती सांगितली. स्थानिक ग्रामस्थांनी पोलिसांना याची माहिती दिली. तिला पोलीस ठाण्यात नेले. तसेच पोलिसांनी मुलीला कुटुंबाकडे सुपूर्द केले.