Farmer Loan Important Announcement

मी शेतकऱ्याचा मुलगा असून मलाही त्यांच्या वेदना समजतात. मी देखील स्वतः नांगरणी करून शेती केली आहे, असं म्हणत हरियाणाचे मुख्यमंत्री मनोहर लाल खट्टर यांनी शेतकऱ्यांसाठी एक मोठी घोषणा केली आहे. शेतकऱ्यांनी ३० सप्टेंबर २०२३ पर्यंतचे कर्ज ३१ मे २०२४ पर्यंत जमा केल्यास त्यावरील व्याज आणि दंड माफ करण्यात येईल, असं मनोहर लाल यांनी म्हटलं आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हरियाणा विधानसभेत अर्थसंकल्प सादर करताना त्यांनी ही घोषणा केली आहे. मनोहर लाल यांच्या या घोषणेमुळे हरियाणातील कर्जबाजारी शेतकऱ्यांना मोठा दिलासा मिळाला आहे. मुख्यमंत्री मनोहर लाल यांनी शुक्रवारी (२३ फेब्रुवारी) त्यांच्या दुसऱ्या टर्मचा अंतिम अर्थसंकल्प विधानसभेत सादर केला. या अर्थसंकल्पात त्यांनी अनेक महत्वाचे निर्णय घेतले. (Latest Marathi News)

शेतकऱ्यांना ड्रोनद्वारे कीटकनाशकाची फवारणी करता यावी यासाठी प्रोत्साहन देणाऱ्या भारत सरकारच्या योजनेला राज्य सरकारचा देखील पाठींबा आहे, असं मनोहरलाल यांनी म्हटलं आहे. यासाठी राज्य सरकारकडून 'दृश्य' उपक्रमाद्वारे ५०० तरुण शेतकऱ्यांना ड्रोनद्वारे औषध फवारणीचे प्रशिक्षण दिले जाईल, असंही मनोहर लाल यांनी स्पष्ट केलं आहे.

आतापर्यंत १०० शेतकऱ्यांना ड्रोनद्वारे कीटकनाशक फवारणीचे प्रशिक्षण देण्यात आले असून त्यांना प्रमाणपत्र देखील वाटप करण्यात आले आहेत, अशी माहिती देखील मुख्यमंत्री मनोहर लाल यांनी विधानसभेत दिली. दरम्यान, राज्यातील ५ लाखांहून अधिक शेतकऱ्यांच्या कर्जावरील व्याज आणि दंड माफ करण्याची घोषणा मुख्यमंत्र्यांनी केली आहे.

३० सप्टेंबर २०२३ पर्यंतचे कर्ज ३१ मे २०२४ पर्यंत कर्ज जमा करणाऱ्या शेतकऱ्यांचे व्याज आणि दंड माफ करण्यात येईल, असे मुख्यमंत्र्यांनी सांगितलं आहे. मी शेतकऱ्याचा मुलगा असून मलाही शेतकऱ्याच्या वेदना समजतात. मी स्वतः नांगरणी करून शेती केल्याचे मुख्यमंत्री मनोहर लाल यांनी सांगितले.