सध्या भारत देशा हा खूप प्रगती करत आहे. वेगवेगळ्या क्षेत्रात काहीतरी आधुनिक प्रयोग करत आहे. यामुळे देशात विकासकामांमध्ये पुढे जात आहे. याचेच एक उत्तम उदाहरण म्हणजे रेल्वेमधील प्रगती. रेल्वे क्षेत्रात भारताने अनेक नवीन प्रयोग केले आहेत. अनेक नवीन रेल्वे सेवा सुरु केल्या आहेत.यामध्ये वंदे भारत, बुलेट ट्रेनचा समावेश आहे. या दोन्ही ट्रेन भारतातील सर्वाधिक वेगाने धावणाऱ्या ट्रेन आहेत. दरम्यान, आता सरकार लवकरच नवीन हाय स्पीड ट्रेन सुरु करणार आहे. सरकार कर्नाटकमधील बंगळुरु ते हैदराबाद अशी हाय स्पीड ट्रेन सुरु करणार आहे.

१९ तासांचा प्रवास फक्त २ तासात होणार (Bengaluru to Hyderabad High Speed Train)

सध्या कर्नाटकमधील बंगळुरु ते हैदराबाद या प्रवासासाठी ट्रेनने १९ तासांचा वेळ लागतो. दरम्यान, काहीच वर्षात आता तुम्ही फक्त २ तासात हा प्रवास करु शकणार आहे. बंगळुरु- हैदराबाद हाय स्पीड रेल्वे कॉरिडोर बनल्यानंतर हा प्रवास सोपा आणि जलद होणार आहेय

मुंबई-अहमदाबाद बुलेट ट्रेनच्या धर्तीवर बांधल्या जाणाऱ्या या कॉरिडॉरचा प्रकल्प अहवाल मार्च २०२६ पर्यंत तयार होईल. त्यानंतर हा रेल्वे बोर्डाला आणि केंद्र सरकारला दिला जाईल.

६२६ किमी लांबीचा कॉरिडोर (Bengaluru to Hyderabad Coridor)

बंगळुरु हैदराबाद हाय स्पीड रेल कॉरिडॉर प्रकल्प पूर्ण झाल्यानंतर तुमचा प्रवास जलद होईल. याचसोबत नागरिकांनाही फायदा होणार होणार आहे. हा कॉरिडोर ६२६ किमी लांबीचा असणार आहे. यासाठी RITES लिमिटेड अंतिम सर्वेक्षणाटे काम करत आहे. डीपीआर तयार झाल्यानंतर तो मंजुरीसाठी कॅबिनेट समितीकडे पाठवला जाईल.

बंगळुरु हैदराबाद हाय स्पीड रेल्वे कॉरिडॉरवरील ही ट्रेन ३५० किमी प्रतितास वेगाने आणि ३२० किमी प्रति तास या ऑपरेटिंग वेगाने धावेल. यामुळे १९ तासांचा प्रवास फक्त २ तासात पूर्ण होणार आहे. यामुळे नागरिकांना खूप फायदा होणार आहे. दरम्यान, या प्रकल्पाला मंजुरी मिळाल्यानंतर इतर कामे सुरु होतील.

प्रवास होणार सोपा

जर ही बुलेट ट्रेन सुरु झाली तर बंगळुरु ते हैदराबाद प्रवासाचा कालावधी कमी होणार आहे. याचसोबत पैसेदेखील वाचणार आहे. बंगळुरु ते हैदराबाद हा प्रवास दिल्ली ते जयपूर किंवा मुंबई ते पुणे सारखा सोपा होणार आहे.