पत्नीने शारीरिक संबंध ठेवण्यास नकार दिल्यामुळे पतीने तिची निर्घुण हत्या केली आहे. ही धक्कादायक घटना आंध्र प्रदेशातील श्रीकाकुलम जिल्ह्यात घडली आहे. घटनेची माहिती मिळताच स्थानिक पोलिसांनी घटनास्थळी धाव घेतली. तसेच मृतदेह शवविच्छेदनासाठी रुग्णालयात पाठवले आहे. या घटनेनंतर परिसर हादरला आहे.

श्रीकाकुलमचे डीएसपी विद्या सागर म्हणाले की, आरोपी गली अप्पालारेड्डी आणि त्याची पत्नी नागम्मा हे संत सीतारामपुरम गावातील रहिवासी आहेत. दोघेही मजूर म्हणून काम करून आपला उदरनिर्वाह करत होते. त्यांना एक मुलगा आणि एक मुलगी आहे.

मुलीचे लग्न झाले आहे आणि मुलगा नोकरीच्या शोधात विशाखापट्टणमला राहत आहे. आरोपी अजून फरार असून, पोलिसांनी फरार आरोपीला शोधण्यासाठी एक पथक तयार केले आहे.

त्या दिवशी नेमकं घडलं काय?

सोमवारी पती-पत्नी दोघेही नेहमीप्रमाणे कामावरून परतले. जेवणानंतर, अप्पालारेड्डीने आपल्या पत्नीसोबत लैंगिक संबंध ठेवण्याची इच्छा व्यक्त केली.

परंतु, दिवसभराच्या कामामुळे थकलेल्या नागम्माने नकार दिला आणि झोपी गेली. आरोपीला बायकोने शारीरिक संबंध ठेवण्यास दिलेला नकार सहन झाला नाही. नवऱ्याला राग अनावर झाला. त्याने बायकोवर चाकूने हल्ला केला. रक्ताच्या थारोळ्यात पडलेला नागम्मा जागीच मरण पावला. पीडितेच्या शरीरावर १२ खोल जखमा आढळून आल्या. या प्रकरणी आरोपीविरोधात गुन्हा दाखल करण्यात आला असून, पुढील तपास सुरू आहे.