अमेरिकेत फिरायला गेलेल्या कुटुंबाचा अपघातात अंत झाल्याची धक्कादायक घटना घडली आहे. हैद्राबादमध्ये राहणारे कुटुंब अमेरिकेत फिरायला गेले असता नातेवाईकांना भेटून परत येताना रस्त्यात मागून येणाऱ्या भरधाव ट्रकने त्यांच्या गाडीला धडक दिली. ही धडक इतकी भीषण होती की या धडकेत कुटुंबातील चौघांचाही जागीच मृत्यू झाला.

या चौघांना अंतविधीसाठी हैद्राबाद येथे आणण्यात आले आहे. अमेरिकेत एका ट्रकने एका गाडीला धडक दिली. या अपघातात हैदराबादमधील चार जणांचा मृत्यू झाला. झालेल्या अपघातात कुटुंबातील तेजस्विनी, श्री वेंकट आणि त्यांची दोन मुले यांचा मृत्यू झाला आहे. हे संपूर्ण कुटुंब डॅलसमध्ये सुट्टीवर गेले होते.

अटलांटा येथील त्यांच्या नातेवाईकांना भेटून परत येत असताना वाटेत त्यांच्या कारला अपघात झाला. असून या अपघातात ट्रकची धडक इतकी भीषण होती की कुटुंबातील चारही सदस्यांचा कारला लागलेल्या आगीत मृत्यू झाला. दरम्यान अपघातात मृत पावलेल्या कुटुंबाला हैद्राबादमध्ये आणून अंत्यसंस्कार करण्यात येणार आहेत. अशाच एका घटनेत, न्यू यॉर्कमध्ये झालेल्या एका भीषण रस्ते अपघातात क्लीव्हलँड स्टेट युनिव्हर्सिटीमधील दोन भारतीय विद्यार्थ्यांचा मृत्यू झाला, असे भारतीय वाणिज्य दूतावासाने मंगळवारी सांगितले. पीटीआय वृत्तसंस्थेच्या म्हणण्यानुसार, २० वर्षीय मानव पटेल आणि २३ वर्षीय सौरव प्रभाकर अशी या विद्यार्थ्यांची ओळख पटली.

लँकेस्टर काउंटी कोरोनर ऑफिसनुसार, १० मे रोजी ईस्ट कोकालिको टाउनशिपमध्ये अपघात झाला तेव्हा प्रभाकर कार चालवत होते. प्रभाकर आणि पटेल यांचा जागीच मृत्यू झाला, तर पुढच्या सीटवर बसलेला आणखी एक प्रवासी जखमी झाला आणि त्याला स्थानिक रुग्णालयात दाखल करण्यात आले. मात्र रुग्णालयात दाखल करताच डाॅक्टरांनी मृत घोषित केले. दरम्यान अशा अपघातांमुळे अमेरिकेच्या रस्ते अपघातांवर प्रश्न उपस्थित केले जात आहे