डोंबिवलीत वाहतूक पोलिस आणि तरुणामध्ये वाद
तरुणाने वाहतूक पोलिसाला केली मारहाण
संतप्त नागरिकांनी तरुणाला पकडून दिला चोप
मानपाडा पोलिस व्हायरल व्हिडिओच्या आधारे तपास करत आहेत
डोंबिवली एका तरुणाला नागरिकाकडून बेदम मारहाण केल्याची घटना समोर आली आहे. या घटनेचा व्हिडिओ सोशल मीडियावर व्हायरल होत आहे. डोंबिवलीतील पेंढारकर कॉलेज परिसरातील ही घटना असल्याची माहिती आहे. या तरुणाचा एका पोलिस कर्मचाऱ्यासोबत वाद झाला होता. या तरुणाने वाहतूक पोलिस कर्मचाऱ्यांला मारहाण केली त्यामुळे संतप्त झालेल्या नागरिकांनी त्याला चोप दिला. हा व्हिडीओ व्हायरल झाल्यानंतर मानपाडा पोलिसांनी पुढील तपास सुरू केला.
मिळालेल्या माहितीनुसार, डोंबिवलीतील पेंढारकर कॉलेज परिसरात घडलेल्या या घटनेत एका तरुणाला काही नागरिकांनी पकडून बेदम मारहाण केली. या घटनेचा व्हिडीओ व्हायरल झाला. संबंधित तरुणाचा एका वाहतूक पोलिस कर्मचाऱ्यासोबत वाद झाला होता. पोलिसांनी या तरुणाला गाडी बाजूला घे असे सांगितले होते. यावरून संतप्त झालेल्या तरुणाचा पोलिसांसोबत वाद झाला. या वादानंतर तरुणाने वाहतूक पोलिसाला मारहाण केली.
त्यानंतर संतप्त नागरिकांनी त्या तरुणाला पकडून मारहाण केल्याचे सांगितले जात आहे. घटनेचा व्हिडिओ सोशल मीडियावर मोठ्या प्रमाणात व्हायरल झाला असून या घटनेमागील नेमके कारण काय? तसेच संबंधितांवर कोणती कारवाई करण्यात येणार? याचा तपास मानपाडा पोलिस करत आहेत. पोलिसांकडून या प्रकरणी अधिकृत माहिती आणि तपासानंतरच संपूर्ण वस्तुस्थिती स्पष्ट होणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.