मावळ : मावळातील (maval) पांगळोली गावातील प्रसिद्ध असलेल्या संत बाळूमामा मंदिरात (Sant Balu Mama Mandir) आज (साेमवार) पहाटेच्या सुमारास चोरी (theft) झाली आहे. अज्ञात चोरट्यांनी मंदिरातील (temple) दोन दानपेट्या चोरल्या असून एक लाखाहून अधिक रक्कमेचा ऐवज लंपास झाला आहे. (maval crime news)

लोणावळा (Lonavala) शहरातील पांगळोली येथे संत बाळूमामा यांचे मंदिर आहे. हजारो भाविक दर्शनासाठी याठिकाणी येत असतात. नुकत्याच झालेल्या आषाढ अमावस्येला मंदिरात भाविकांनी दर्शनासाठी मोठी गर्दी केली होती.

गेल्या सहा महिन्यांपासूनची दानपेटीत दान जमा झाले होते. अज्ञात चोरट्यांनी या दानपेट्यांवर हात मारत चोरी केल्याने परिसरात भितीचे व संतापाचे वातावरण निर्माण झाले आहे. संत बाळूमामा देवस्थानचे प्रमुख बबन खरात यांनी याप्रकरणी लोणावळा शहर पोलिसांत तक्रार दाखल केली आहे. लोणावळा पोलीस या घटनेचा तपास करीत आहेत.

Edited By : Siddharth Latkar