मुंबई : निवडणूक आयोगाच्या निर्णयानंतर आज शिंदे गटाच्या (Shivsena) आमदारांनी विधीमंडळातील पक्ष कार्यालय ताब्यात घेतलं. त्यानंतर माध्यमांशी बोलताना आमदार संजय शिरसाट यांनी खासदार संजय राऊत यांच्यावर जहरी टीका केली आहे. शिरसाट यांनी संजय राऊत यांचा उल्लेख पिसाळलेला कुत्रा म्हणून केला आहे.

संजय राऊत यांच्या डोक्यावर परिणाम झाला आहे. त्यामुळे त्यांच्या आरोपांना उत्तर देणे आम्ही महत्त्वाचे समजत नाही. मात्र निवडणूक आयोगाने आम्हाला पक्ष आणि धनुष्यबाण अधिकृतरित्या दिलं आहे. आज बैठकीतही बरीच चर्चा झाली आहे. संजय राऊत अपात्र कसे होतील यावर देखील बैठकीत चर्चा झाल्याचं, संजय शिरसाट यांनी सांगितलं आहे.

मुंख्यमत्री एकनाथ शिंदेंबद्दल संजय राऊतांनी जी भाषा वापरली आहे, त्याविरोधात विविध ठिकाणी गुन्हे दाखल होत आहेत. त्यांनी जी भाषा वापरली आहे त्यांना त्याच भाषेत आम्ही उत्तर देऊ शकतो. मात्र आमची ती संस्कृती नाही. हाती चले बाजार कुत्ते भोके हजार, असं संजय शिरसाट यांनी म्हटलं.

संजय राऊतांना आता कितीही आरोप करुद्या. आठ दिवस थोडं थांबा संजय राऊतंना उत्तर दिलं जाईल. कुत्रं पिसाळलं म्हणून कुत्र्याला चावत असतात का? असा सवाल उपस्थित करत त्याला एखादं औषध देऊन शांत करु, असा इशाराही शिरसाट यांनी राऊतांना दिला आहे.