- सचिन जाधव

पावसाळा सुरू झाल्यावर दरडीमुळे होणारे अपघात टाळण्यासाठी सिंहगड किल्ल्यावर डागडुजीचे काम हाती घेण्यात येणार आहे. पर्यटकांच्या सुरक्षिततेसाठी हाेणारे हे काम जलदगतीने पूर्ण करता यावे यासाठी सिंहगड किल्ल्याचा घाट रस्ता आजपासून (साेमवार, ता. 20) चार दिवस बंद राहणार आहे. त्याबाबतची माहिती वनविभागाने दिली.

सिंहगड किल्ल्यावर उपाययोजना करण्यासाठी सिंहगड घाट रस्ता २३ मे पर्यंत पर्यटकांसाठी बंद करण्यात आला आहे. यामुळे किल्ल्यावर कोणत्याही प्रकारची वाहतूकीस परवानगी नाही. या बदलाची पर्यटकांनी नाेंद घ्यावी.

या कालावधीत पर्यटकांनी आतकरवाडीतील पायवाटेचा वापर करावा असे आवाहन वनविभागाने केले आहे. येत्या चार दिवसांत किल्ल्यावरील डागडूजीचे काम पूर्ण करण्यासासाठी प्रयत्नशिल असल्याचे वनविभागाने स्पष्ट केले.

Edited By : Siddharth Latkar