पुणे : पुण्यात अपघाताची मालिका सुरु आहे. पुण्यात पुन्हा एकदा भीषण अपघात झालाय. पुण्यातील श्रीराम चौकात ही भीषण अपघाताची घटना घडली आहे. या अपघाताची घटना सीसीटीव्ही कैद झाला आहे.

पुण्यातील एका चारचाकी वाहनाने अनेक वाहनांना उडवल्याची घटना घडली आहे. पुण्यातील काळेपडळ भागात असणाऱ्या श्रीराम चौकात ही घटना घडली आहे. एका चारचाकी वाहनाने काही दुचाकी आणि चारचाकी वाहनांना धडक दिल्याची माहिती मिळत आहे. अपघातानंतर रस्त्यावर उभे असलेल्या लोकांमध्ये एकच भीती पसरली.

भोरमधील अपघातात चिमुकल्याचा मृत्यू

पुण्याच्या भोर तालुक्यातील कुरुंगवडी येथे डंपर पत्र्याच्या घरावर पलटी होऊन झालेल्या दुर्दैवी अपघातात एका पाच वर्षीय बालकाचा मृत्यू झाला आहे. तर तिघे जण जखमी झाले आहेत. आलोक अशोक कचरे असं मृत्यू झालेल्या पाच वर्षे बालकाचे नाव आहे.

एका बांधकाम साईटवर क्रशसॅंड डंपरमधून खाली करत असताना डंपर अचानक उलटून बाजूच्या घरावरील पत्र्याच्या शेडवर कोसळल्याने हा अपघात झाल्याची माहिती हाती आली आहे.

याप्रकरणी धोंडीबा रामभाऊ कचरे यांनी डंपर चालकाविरोधात पोलिसात तक्रार दिली. त्यानंतर भोरच्या राजगड पोलीस ठाण्यात सदोष मनुष्यवधाचा गुन्हा दाखल आला आहे. या प्रकरणी राजगड पोलीस पुढील तपास करत आहेत.