गोपाल मोटघरे, पिंपरी चिंचवड प्रतिनिधी, साम टीव्ही मराठी

Pimpri - Chinchwad, Pune Crime Latest News : पुण्यातील चिखली परिसरात एक काळीज पिळवटून टाकणारी घटना घडली आहे. फोनवर बोलताना गुजरातमध्ये असणाऱ्या पत्नीसोबत वाद झाल्यामुळे निराश झालेल्या नवऱ्याने आत्महत्या केल्याची धक्कादायक घटना समोर आली. प्रतिक संदीप घनवटे असे मृत व्यक्तीचे नाव आहे. फोनवर बोलत असताना प्रतिक याचा पत्नीसोबत जोरात वाद झाला. त्यामुळे रागाच्या भरात २३ वर्षीय प्रतिक (Pimpri Chinchwad 23 year old husband suicide case details) याने विषारी औषध प्राशन करून आत्‍महत्‍या केल्याची धक्कादायक घटना चिखली पोलीस स्टेशन येथे घडली आहे. (Phone argument with wife leads to suicide in Pune

1. )

प्रतिक संदीप घनवटे (वय २३, रा. चिखली) असे आत्‍महत्‍या केलेल्‍या पतीचे नाव आहे. चिखली पोलीस ठाण्‍यातील वरिष्‍ठ निरीक्षक विठ्‌ठल साळुंके यांनी दिलेल्‍या माहितीनुसार, प्रतिक यांची पत्‍नी गुजरात येथे होती. त्‍यांची नेहमीच भांडणे होत असे. तो आपल्‍या पत्‍नीला आणण्‍यासाठी गुजरातला जाणार होता. मात्र त्यापूर्वीच पत्‍नीशी त्‍याचा वाद झाला. त्‍यानंतर ६ फेब्रुवारी रोजी पतीने विषारी औषध प्राशन केले. त्‍यांच्‍यावर रुग्‍णालयात उपचार सुरू असताना मंगळवारी रात्री त्‍यांचा मृत्‍यू झाला. पत्‍नीशी होत असलेल्‍या सततच्‍या वादातून आपल्‍या मुलाने विषारी औषध प्‍यायल्‍याचे त्‍यांच्‍या आईने पोलिसांना सांगितले. मात्र आत्‍महत्‍येचे नेमके कारण समजू शकले नाही. चिखली पोलीस याबाबत अधिक तपास करीत आहेत.

"पत्नीशी सतत होणाऱ्या वादाला कंटाळून मुलाने हे पाऊल उचलले," असा प्राथमिक जबाब प्रतिकच्या आईने पोलिसांना दिला आहे. मात्र, आत्महत्येचे नेमके आणि ठोस कारण अद्याप स्पष्ट झालेले नाही. पोलिसांनी प्रतिक याच्या मृत्यूनंतर कुटुंबाच्या तक्रारीनंतर गुन्हा दाखल केला असून तपास सुरू केला आहे. प्रतिक याचा मृतदेह पोस्टमार्टमसाठी रूग्णालयात पाठवण्यात आला आहे. पोलिसांकडून प्रतिक याचा मोबाईल जप्त करण्यात आला आहे. तो मोबाइल फॉरेन्सिक टीमकडे तपासणीसाठी पाठवण्यात आला आहे. रिपोर्ट्स आल्यानंतर पुढील तपास केला जाणार आहे.