पुणे : पुणेकरांना PMPML ठेकेदारांच्या संपाचा फटका बसण्याची शक्यता आहे. पीएमपीएमएल ठेकेदार दुसऱ्या दिवशीही संपावर ठाम आहेत. ओलेक्ट्रा, हंसा, ॲंथोनी, ट्रॅव्हल टाईम या चार ठेकेदारांनी संप पुकारला आहे. ३ महिन्यांची बिले थकल्याने या ठेकेदारांनी संपाचं हत्यार उपसलं आहे. (Pune news)

ठेकेदारांच्याा संपात फटका पुणेकरांना बसणार आहे. पुण्यातील सार्वजनिक वाहतूक यामुळे कोलमडण्याची शक्यता आहे. जवळपास 1100 बसेस यामुळे धावणार नसल्याने प्रवाशांना मोठा मनस्ताप होण्याची शक्यता आहे.

पीएमपीएमलचे व्यवस्थापकीय संचालक ओमप्रकाश बकोरिया यांनी ठेकेदारांना संप मागे घेण्याची विनंती केली होती. मात्र ठेकेदार आपल्या संपाच्या निर्णयावर ठाम आहेत. ठेकेदारांनी अनेक वेळा पत्र व्यवहार करून देखील त्यांना वेळेवर थकबाकी मिळालेली नाही. (Latest News)

काल म्हणजेच रविवारी संध्याकाळी अचानक ठेकेदारांनी संपाचा निर्णय घेतल्यानंतर रस्त्यावर पीएमपीएमएल बस संख्या अचानक कमी झाली.पीएमपीएमएलकडे सध्या २१४२ बसेस आहेत. यापैकी ११०० बसेस या ठेकेदारांच्या असून इतर ९०० बसेस या पीएमपीच्या मालकीच्या आहेत.